అనసూయ అభిమానులకు షాక్.. జబర్దస్త్ నుంచి ఔట్ ?

దిశ, వెబ్‌డెస్క్ : కామెడీషోలలో జబర్దస్త్‌కు ఉన్న క్రేజే వేరు. బుల్లితెరపై ఎన్నో ఏళ్లుగా కామెడీ పండిస్తున్న ఈ షోకు మంచి పేరు ఉంది. అంతే కాకుండా ఈ షో ఎంతో మంది నటులకు లైఫ్ ఇచ్చింది. అయితే ఈ మధ్య కాలంలో జబర్దస్త్ కామెడీ షో ద్వారా మంచి పేరు సంపాదించుకున్న సుధీర్, గెటప్ శ్రీను, ఆటో రాంప్రసాద్ షో నుంచి వెళ్లిపోయారు. ఈ క్రమంలో మరో వార్త సోషల్ మీడియాలో హల్ చల్ చేస్తోంది.

జబర్దస్త్ షో ద్వారా మంచి ఫేమ్ సంపాదించుకున్న యాంకర్ అనసూయ జబర్దస్త్ నుంచి వెళ్లిపోయినట్లు నెట్టింట్లో గుసగుసలు వినిపిస్తున్నాయి. గురువారం (డిసెంబర్ 23)కు సంబంధించిన జబర్దస్త్ ప్రోమోల అనసూయ కనిపించకపోవడంతో అభిమానుల్లో అనుమానాలు మొదలయ్యాయి. అనసూయ జబర్దస్త్‌కు గుడ్ బై చెప్పింది అందుకే ప్రోమోలో కనిపించలేదంటూ ట్రోల్స్ మొదలు పెట్టారు. అయితే జబర్దస్త్‌లో అనసూయ, ఎక్స్‌ట్రా జబర్దస్త్‌లో రష్మీ ఉండాలి.. కానీ డిసెంబరు 23, 24 ఎపిసోడ్‌లలో మాత్రం రష్మీనే కనిపించారు. దీంతో నెటిజన్లు రకరకాలుగా చర్చించుకుంటున్నారు. జబర్దస్త్‌కు అనసూయ గుడ్‌బై చెప్పిందని.. అందుకే జబర్దస్త్, ఎక్స్‌ట్రా జబర్దస్త్ రెండు షోలకూ రష్మీనే యాంకర్‌గా వ్యవహరిస్తోందంటూ కామెంట్స్ చేస్తున్నారు. అయితే ఈ మధ్య కాలంలో అనసూయకు వరుసగా సినిమా ఆఫర్స్ వస్తున్నాయి. పుష్ప సినిమాలో కూడా అనసూయ దాక్షాయణి పాత్రలో ఇరగదీసింది. దీంతో అనసూయకు సినిమా ఆఫర్లు రావడంతో సుధీర్ టీం లాగే జబర్దస్త్ కామెడీ షోకు గుడ్ బై చెప్పిందంటు సోషల్ మీడియాలో తమ అభిమానులు గుసగుసలాడుతున్నారు. ఇక ఈ వార్తల్లో ఎంత నిజం ఉందో తెలియాలంటే రేపటి ఎపిసోడ్ వరకు వేచి చూడాలి ఇక.