ఒంటరిగా ఉన్న నటి పై పట్టపగలే దారుణం..

దిశ, సినిమా : హీరోయిన్ అలంకృత సహాయ్ ఇంట్లో సినిమాటిక్ స్టైల్‌లో చోరీ జరిగింది. మాస్క్‌తో ఎంటరైన ముగ్గురు వ్యక్తులు తనను కత్తితో బెదిరించి దాదాపు రూ. 6 లక్షలు దొంగిలించినట్లు సమాచారం. దీనిపై కేసు నమోదు చేసిన పోలీసులు విచారణ చేస్తున్నారు. అలంకృత చెప్పిన ప్రకారం.. తను ఆర్డర్ చేసిన ఫర్నిచర్ కొద్దిరోజుల క్రితం డెలివరీ కాగా, అప్పుడు నిందితుల్లో ఒకరు తన ఇంటికి వచ్చినట్లు తెలిపింది. ఆ తర్వాత తను ఇంట్లో ఒంటరిగా ఉన్న సమయంలో మెయిన్ డోర్ ఓపెన్ చేసి ఉందని, అప్పుడు ముగ్గురు వ్యక్తులు సడెన్‌గా ఇంట్లోకి ప్రవేశించారని వివరించింది.

తన మెడపై కత్తిపెట్టి ఏటీఎం కార్డు లాక్కున్నారని, పిన్ నంబర్ తెలుసుకున్న తర్వాత ఇద్దరు తనకు కాపలాగా ఉంటే.. మరో వ్యక్తి బయటకెళ్లి డబ్బులు డ్రా చేశాడని తెలిపింది. పంజాబ్ (చండీగఢ్‌)లోని అలంకృత రెంటెడ్ హౌజ్‌లో మధ్యాహ్నం 12.30 గంటల ప్రాంతంలో ఈ ఇన్సిడెంట్ జరిగిందని తెలిపిన పోలీసులు.. సీసీటీవీ కెమెరా ఆధారంగా దొంగలను గుర్తించినట్లు వెల్లడించారు. కాగా ‘లవ్ పర్ స్క్వేర్ ఫూట్, నమస్తే ఇంగ్లాండ్’ వంటి సినిమాల ద్వారా గుర్తింపు తెచ్చుకుంది అలంకృత.