యువతి హత్య కేసులో నిందితుడు అరెస్టు

దిశ, ఎల్బీనగర్: ఓ హత్య కేసులో నిందితుడిని పోలీసులు అరెస్టు చేశారు. గురువారం ఎల్బీనగర్ సీఐ వి.అశోక్ రెడ్డి కేసు వివరాలను వెల్లడించారు. ఏపీకి చెందిన ఎం.వెంకటేశ్వర్ రావు, వృత్తిరీత్యా ఎల్బీనగర్ లోని ధనాపూర్, జనప్రియ కాలనీలో నిర్వహిస్తున్న ఫ్యామిలీ కేర్ సర్వీస్ సెంటర్‌లో విధులు నిర్వహిస్తున్నాడు. అదే సెంటర్లో పనిచేస్తున్న యాదాద్రి జిల్లా, మోతకొండూరు మండలం, చాడ గ్రామానికి చెందిన హేమలతపై వెంకటేశ్వరరావు అత్యాచార యత్నానికి పాల్పడి.. ఆమె చున్నీతో మెడకు ఉరేసి బలవంతంగా చంపేశాడు. అనంతరం నిందితుడు అక్కడి తప్పించుకుని పారిపోయాడు. కేసు నమోదు చేసుకున్న పోలీసులు నిందితుడిని అదుపులోకి తీసుకొని విచారించారు. వెంకటేశ్వరరావు తన భార్యను కూడా గతంలో చంపేందుకు ప్రయత్నించగా బాధితురాలి ఫిర్యాదు మేరకు కృష్ణా జిల్లా, ముసునూరు పోలీస్ స్టేషన్లో కేసు నమోదైంది. నిందితుడిని అరెస్టు చేసి పోలీసులు రిమాండ్‌కు తరలించారు.