పొట్టి ప్రపంచ కప్ లో సూపర్-8 కు చేరుకున్న ఆఫ్ఘనిస్థాన్

దిశ, డైనమిక్ బ్యూరో: పపువా న్యూగినియా పై గెలిచిన ఆఫ్ఘనిస్థాన్ సూపర్-8 లో చోటు దక్కించుకుంది. టీ20 వరల్డ్ కప్ లో భాగంగా పపువా న్యూగినియా, ఆఫ్ఘనిస్థాన్ ల మధ్య జరిగిన 29 వ మ్యాచ్ లో ఆఫ్ఘనిస్థాన్ 7 వికెట్ల తేడాతో గెలిచి సూపర్-8 కు చేరుకుంది. తరౌబాలోని బ్రియాన్ లారా స్టేడియంలో జరిగిన ఈ మ్యాచ్ లో టాస్ ఓడి ముందుగా బ్యాటింగ్ కు దిగిన పపువా న్యూగినియా 19.5 ఓవర్ల వద్ద 95 పరుగులకే ఆలౌట్ అయ్యంది. తదుపరి క్రీజ్ లోకి వచ్చిన ఆఫ్ఘనిస్థాన్ 15.1 ఓవర్ల వద్ద లక్ష్యాన్ని చేధించి విజయం సాధించింది. గ్రూప్ సీ లోని వెస్టిండీస్ ఇప్పటివరకు ఆడిన మూడు మ్యాచ్ లలో విజయం సాధించడంతో ఇప్పటికే సూపర్-8 కు చేరుకుంది. ఇలాగే ఆఫ్ఘనిస్థాన్ కూడా వరసగా మూడు మ్యాచ్ లు గెలిచి సూపర్-8 కి చేరుకుంది.