Tesla In India : ఇండియా కోసం మస్క్‌ ఏం చేస్తున్నాడో తెలిస్తే షాక్‌ అవుతారు.. ఏకంగా ఆ మోడల్‌ కారే వచ్చేస్తుందిగా!

Tesla In India : టెస్లా మోడల్ వైకి చిన్న, అఫార్డిబుల్ వర్షెన్ ను తీసుకువచ్చేందుకు ఎలాన్ మస్క్ ప్లాన్ చేస్తున్నట్లు తెలుస్తోంది. ఇది ఇండియా కోసమేనా అనే సందేహాలు కూడా మొదలయ్యాయి. ఈ కొత్త కారుతో సంస్థ ఖర్చులు కూడా తగ్గుతాయని తెలుస్తోంది. దీనికి సంబంధించి పూర్తి వివరాలు తెలుసుకుందాం.

సంస్థ నుంచి మోస్ట్ అఫార్డిబుల్ ఎలక్ట్రిక్ కారును టెస్లా(Tesla) రెడీ చేస్తున్నట్లు సమాచారం. ఇది టెస్లా మోడల్ వై(Tesla Model Y)కి చిన్న, చీపర్ వెర్షన్(Cheaper version) అని తెలుస్తోంది. దీని వల్ల సంస్థకు 20శాతం తక్కువ ఖర్చు అవుతుందని సమాచారం. ఇండియాలో టెస్లా(Tesla) ఎంట్రీ ఇస్తున్న సమయంలో ఈ వార్తకు ప్రాధాన్యత సంతరించుకుంది. పలు మీడియా నివేదికల ప్రకారం ఈ కొత్త టెస్లా మోడల్(Tesla Model) పూర్తిగా కొత్త కారు మాత్రం కాదు. కానీ ప్రస్తుత మోడల్ వైకి రీవర్కడ్ వెర్షన్. తన బలమైన ఎక్స్ పెన్సివ్ పోర్ట్ పోలియోతోపాటు బడ్జెట్ ఫ్రెండ్లీ వేరియంట్లను కూడా లాంచ్ చేసేందుకు ఎలాన్ మస్క్ కు చెందిన టెస్లా(Tesla) కు ఈ ఎలక్ట్రిక్ కారు ఉపయోగపడుతుంది.

సరసమైన ఎలక్ట్రిక్ కారుతో టెస్లా(Tesla) తన భారత కార్యకలాపాలను ప్రారంభించాలని యోచిస్తున్నట్లు ఇంతకు ముందు నివేదికలు వచ్చిన సంగతి తెలిసిందే. దేశంలో తన కార్యకలాపాలను ప్రారంభించడానికి ఎలక్ట్రిక్ వాహనాల తయారీదారు రూ. 21లక్షల ఈవీని ప్రవేశపెట్టవచ్చు. పలు రిపోర్టుల ప్రకారం టెస్లా(Tesla) తన బెర్లిన్ గిగాఫ్యాక్టరీలో తయారైన ఎలక్ట్రిక్ వాహనాలను మొదట భారతదేశంలో ప్రవేశపెట్టే అవకాశం ఉంది.

ఈ 41 అనే కోడ్ నేమ్ కలిగిన కొత్త మోడల్ వై వేరియంట్ 2025లో చైనాలో ఉత్పత్తిలోకి ప్రవేశించే ఛాన్స్ ఉంది. షాంఘై కర్మాగారం(Shanghai factory) ప్రధానంగా చైనా మార్కెట్లో డిమాండ్ ను తీర్చనుండగా, టెస్లా(Tesla) యునైటెడ్ స్టేట్స్ లో కూడా ఉత్పత్తిని పెంచాలని లక్ష్యంగా పెట్టుకుంది. ప్రొడక్షన్ లోని అన్ని సెగ్మెంట్స్ లోనూ సేవింగ్స్ కనిపిస్తే కొత్త మోడల్ వై బేస్ ప్రైజ్ 25వేల డాలర్ల నుంచి 30వేల డాలర్ల మధ్యలో ఉండవచ్చు. అంటే సుమారు 21.7లక్షల నుంచి రూ. 26.05లక్షల వరకు ఉంటుంది.

గతేడాది మెక్సికోలో ప్రవేశపెట్టిన తక్కువ ధర మోడల్ 3 మాదిరిగానే ఈ మోడల్ కూడా అదే వ్యూహాన్ని అవలంబించనుంది. అదే మోటారు, బ్యాటరీని ఉంచుతూ హీటెడ్ సీట్లు, రేర్ ఎంటర్ టైన్మెంట్ స్క్రీన్ వంటి కొన్ని ఫీచర్లు తగ్గించడం ద్వారా ఆ మోడల్ ఖర్చులు దిగివస్తాయి. ప్రస్తుత మోడల్ తో పోలిస్తే అప్ డేట్ చేసిన మోడల్ వై ఎంత చిన్నగా ఉంటుందనే దానిపై ఇంకా కొంత సందేహం ఉంది. రాయిటర్స్ నివేదిక ప్రకారం కారు సైజు కూడా తగ్గుతుంది. కానీ టెస్లా స్వయంగా గణనీయమైన నిర్మాణ లేదా బాడీలో మార్పులు వెల్లడించలేదు. ప్రస్తుత భవిష్యత్తు ఫ్లాట్ ఫామ్స్ నుంచి ఫీచర్లను మిళితం చేస్తూ ప్రస్తుత ఉత్పత్తి మార్గాలను ఉపయోగించి మరింత బడ్జెట్ ఫ్రెండ్లీ వేరియంట్ ను ఉత్పత్తి చేస్తామని కంపెనీ హామీ ఇచ్చింది.