దిశ, వెబ్‌డెస్క్ : హిమాచల్ ప్రదేశ్‌లో ఘోర రోడ్డు ప్రమాద ఘటన చోటుచేసుకుంది. ఈ ప్రమాదంలో 9 మంది మృత్యువాతపడ్డారు. వివరాల ప్రకారం.. హిమాచల్ ప్రదేశ్‌లోని సిర్మౌర్‌ జిల్లా పచ్చాడ్ ప్రాంతంలోని పాషోగ్ గ్రామ సమీపంలో వివాహానికి వెళ్లి వస్తున్న ఓ కారు లోయలో పడింది. ఈ ప్రమాదంలో తొమ్మిది మృతి చెందారు.

సమాచారం అందిన వెంటనే పోలీసులు ఘటన స్థలానికి చేరుకుని సహాయక చర్యలు చేపట్టారు. ఈ సందర్భంగా డీఎస్పీ బీర్ బహదూర్ మాట్లాడుతూ.. పెళ్లికి వెళ్లి వస్తుండగా ప్రమాదం జరిగిందని తెలిపారు. మృతదేహాలను ఇంకా గుర్తించలేదని అన్నారు. ఈ ఘటనపై మరింత సమాచారం తెలియాల్సి ఉంది.