ఘోర ప్రమాదం.. ఏడుగురు మృతి

దిశ, వెబ్‌డెస్క్: యూపీలోని సాంభాల్ జిల్లాలో ఘోర రోడ్డు ప్రమాదం జరిగింది. ఆగ్రా -మోర్దాబాద్ రోడ్డుపై బుధవారం ఉదయం ఆర్టీసీ బస్సును గ్యాస్ ట్యాంకర్ ఢీ కొట్టింది. ఈ ప్రమాదంలో ఏడుగురు అక్కడికక్కడే మృతి చెందగా.. మరో 25 మందికి తీవ్ర గాయాలయ్యాయి. క్షతగాత్రులను మెరుగైన చికిత్స నిమిత్తం ఆస్పత్రికి తరలించారు. ప్రమాద సమయంలో బస్సులో 40 మంది ఉన్నట్లు తెలుస్తోంది. ఘటనాస్థలికి చేరుకున్న పోలీసులు.. మృతదేహాలను పోస్టుమార్టం నిమిత్తం ఆస్పత్రికి తరలించారు. పొగమంచు కారణంగానే ఈ ప్రమాదం జరిగినట్లు పోలీసులు భావిస్తున్నారు. ఈ ఘటనపై కేసు నమోదు చేసిన పోలీసులు దర్యాప్తు చేపట్టారు.