ఛత్రినాకలో దారుణం.. మైనర్ ​బాలికతో 30 ఏండ్ల వివాహితుడు..

దిశ, చార్మినార్: మైనర్​బాలికపై అసభ్యకరంగా ప్రవర్తించిన వివాహితున్ని ఛత్రినాక పోలీసులు అదుపులోకి తీసుకుని రిమాండ్‌కు తరలించారు. ఛత్రినాక ఇన్‌స్పెక్టర్​సయ్యద్​అబ్దుల్ ఖాదర్​జిలానీ తెలిపిన వివరాల ప్రకారం.. ఛత్రినాక సాయిబాబానగర్‌కు చెందిన భార్యాభర్తలు, తమ ముగ్గురు కూతుళ్ళతో కలిసి అక్కడే గత కొంత కాలంగా నివసిస్తున్నారు. ఎప్పటిలాగే 12వ తేదీ ఉదయం తండ్రి లేబర్​పనుల నిమిత్తం బయటికి వెళ్ళాడు. చిన్న కూతురు 7 సంవత్సరాల మైనర్​బాలిక ఆరు బయట ఆడుకుంటుంది. అదే వాడలో పక్కనే నివసించే పగిడాల స్వామి(30) ఆ బాలికతో అసభ్యకరంగా ప్రవర్తిస్తుండగా.. భయభ్రాంతులకు గురైన బాలిక గట్టిగా కేకలు వేసింది.

అది విన్న స్థానికులు పగిడాల స్వామిని మందలించారు. సాయంత్రం ఇంటికి వచ్చిన తల్లి దండ్రులు జరిగిన విషయాన్ని తెలుసుకుని ఛత్రినాక పోలీసులకు ఫిర్యాదు చేశారు. అయితే పగిడాల స్వామికి భార్య, కూతురు ఉన్నట్టు పోలీసులు తెలిపారు. కేసు నమోదు చేసుకున్న పోలీసులు బాలికపై అసభ్యకరంగా ప్రవర్తించిన స్వామిని అదుపులోకి తీసుకుని సోమవారం రిమాండ్‌కు తరలించారు.