వన్డే ప్రపంచ కప్ ముగింపు వేడుకలు.. నరేంద్ర మోదీ స్టేడియంలో దువా లిపా ప్రదర్శన

దిశ, వెబ్‌డెస్క్: వన్డే ప్రపంచ కప్ 2023 ముగింపు దశకు చేరుకుంది. మొత్తం 48 మ్యాచుల్లో ఇప్పటికే 46 మ్యాచ్ లు పూర్తి కాగా.. ఈ రోజు 47వ మ్యాచ్ సెమీ ఫైనల్ 2 సౌతాఫ్రికా ఆస్ట్రేలియా జట్ల మధ్య జరుగుంది. కాగా ఫైనల్ మ్యాచ్ ఆహ్మదాబాద్ స్టేడియంలో ఈ నెల 19న ఆదివారం రోజు జరగనుంది. కాగా ఫైనల్ మ్యాచ్ కు సంబంధించిన ఓ వార్త సోషల్ మీడియాలో వైరల్ గా మారింది. DI ప్రపంచ కప్ 2023 ముగింపు వేడుకల్లో ప్రముఖ సింగర్ దువా లిప్స్ ప్రదర్శన ఇవ్వనున్నట్లు వార్తలు వస్తున్నాయి.

ఆమె ఇటీవల పాడిన ఓ పాట రికార్డు స్థాయిలో వ్యూస్‌ను సాధించింది. 'హౌడిని' ట్రాక్.. 'గ్లోబల్ చార్ట్‌బస్టర్'గా మారింది. ఇది కేవలం ఐదు రోజుల్లోనే 27 మిలియన్ల వీక్షణలను సంపాదించగలిగింది. ఈ క్రమంలోనే చెందిన సింగర్ దువా లిప్స్ ప్రదర్శన ఉంటుందని సోషల్ మీడియాలో వార్త చక్కర్లు కొడుతోంది. కాగా దీనిపై ఐసీసీ నిర్వాహకులు క్లారిటీ ఇవ్వాల్సి ఉంది.