ICC World Cup 2023: మాక్స్‌వెల్‌ మెరుపు ఇన్నింగ్స్‌.. వరల్డ్కప్ చరిత్రలోనే ఫాస్టెస్ట్‌ సెంచరీ..
దిశ, వెబ్‌డెస్క్: ICC World Cup 2023లో భాగంగా ఢిల్లీ వేదికగా నెదర్లాండ్స్‌తో జరుగుతున్న 24వ లీగ్‌ మ్యాచ్‌‌లో ఆసీస్‌ ఆల్‌రౌండర్‌ గ్లెన్‌ మాక్స్‌వెల్‌ విధ్వంసకర ఇన్నింగ్స్‌తో అదరగొట్టాడు. ఆకాశమే హద్దుగా చెలరేగుతూ ఫోర్లు, సిక్సర్ల వర్షం కురిపించాడు. డచ్‌ బౌలర్లను ఓ ఆటాడుకున్న మాక్సీ కేవలం 40 బంతుల్లోనే శతకం పూర్తి చేసుకున్నాడు. ఇందులో 9 ఫోర్ల, 8 సిక్సిర్లు ఉన్నాయి. 252.50 స్ట్రైక్‌రేటుతో 101 పరుగులు సాధించి వన్డే వరల్డ్కప్ చరిత్రలో ఫాస్టెస్ట్‌ సెంచరీ నమోదు చేశాడు. ఈ క్రమంలో సౌతాఫ్రికా వైస్‌ కెప్టెన్‌ ఎయిడెన్‌ మార్కరమ్‌ పేరిట ఉన్న రికార్డును బద్దలు కొట్టాడు.