World Cup Qualifiers 2023: ఒమన్పై విండీస్ విజయం..
World Cup Qualifiers 2023లో వెస్టిండీస్ జట్టు సూపర్ సిక్స్లో తొలి విజయాన్ని నమోదు చేసింది.
దిశ, వెబ్డెస్క్: World Cup Qualifiers 2023లో వెస్టిండీస్ జట్టు సూపర్ సిక్స్లో తొలి విజయాన్ని నమోదు చేసింది. సూపర్ సిక్స్లో భాగంగా వెస్టిండీస్, ఒమన్ల మధ్య మ్యాచ్లో ఏడు వికెట్ల తేడాతో ఘన విజయాన్ని అందుకుంది. అయితే వెస్టిండీస్కు ఈ విజయం ఊరట మాత్రమే. ఇప్పటికే వరల్డ్కప్ అర్హత అవకాశాన్ని కోల్పోయిన విషయం తెలిసిందే. ఈ మ్యాచ్లో మొదట బ్యాటింగ్ చేసిన ఒమన్ జట్టు నిర్ణీత 50 ఓవర్లలో 9 వికెట్ల నష్టానికి 221 పరుగులు చేసింది. ఒమన్ బ్యాటర్స్లో సూరజ్ కుమార్ (53) పరుగులు నాటౌట్, షోయబ్ ఖాన్ (50) పరుగులతో రాణించగా.. అయాన్ ఖాన్ (30), కశ్యప్ (31) పరుగులు చేశారు. విండీస్ బౌలర్లలో రొమారియో షెపర్డ్ 3 వికెట్లు తీయగా.. కైల్ మేయర్స్ 2, కెవిన్ సింక్లెయిర్ ఒక వికెట్ తీశాడు.
అనంతరం 222 పరుగుల లక్ష్యంతో బరిలోకి దిగిన వెస్టిండీస్ 39.4 ఓవర్లలో 3 వికెట్లు కోల్పోయి టార్గెట్ను అందుకుంది. బ్రాండన్ కింగ్ (104 బంతుల్లో 100 పరుగులు) సెంచరీతో మెరవగా.. కెప్టెన్ షెయ్ హోప్ 63 నాటౌట్, పూరన్ 19 పరుగులు నాటౌట్ జట్టును విజయతీరాలకు చేర్చారు.
West Indies finally have their first win in the Super Six stage with a comprehensive victory against Oman 👊#CWC23 | 📝 #WIvOMA: https://t.co/3rCHtdzSWb pic.twitter.com/X1NEB1nAxn
— ICC Cricket World Cup (@cricketworldcup) July 5, 2023