మోడీ మైదానంలో ప్రపంచకప్ ఫైనల్.. చీఫ్ గెస్ట్ ఎవరో తెలుసా?

దిశ, వెబ్‌డెస్క్: గుజరాత్‌లోని అహ్మదాబాద్‌ నరేంద్ర మోడీ స్టేడియం వేదికగా ప్రపంచ కప్ మ్యాచ్ జరుగనున్న విషయం తెలిసిందే. ఇవాళ కోల్‌కతాలోని ఈడెన్ గార్డెన్స్‌లో సౌతాఫ్రికా, ఆస్ట్రేలియా జట్ల మధ్య జరుగుతున్న సెకండ్ సెమీ ఫైనల్‌లో గెలిచిన జట్టుతో ఇండియా ఫైనల్ మ్యాచ్ ఆడనుంది. ఈ మ్యాచ్‌ కోసం ఇప్పటికే బీసీసీఐ ఏర్పాట్లు పూర్తి చేసింది. ఈ వరల్డ్ కప్‌కు ముఖ్య అతిథిగా ప్రధాని మోడీ వస్తున్నట్లు పేర్కొంది. అహ్మదాబాద్ మైదానంలో ప్రేక్షకుల మధ్య కూర్చొని ప్రధాని ఈ మ్యాచ్‌ను వీక్షించనున్నారు. ప్రధానితో పాటు పలువురు కేంద్రమంత్రులు, భారత మాజీ క్రికెటర్లు, వివిధ రంగాల సెలబ్రిటీలు మ్యాచును వీక్షించేందుకు రానున్నారు. కాగా, ప్రపంచంలోనే అతిపెద్ద క్రికెట్ స్టేడియంగా గుజరాత్ మైదానం పేరుగాంచింది. ఒకేసారి ఈ మైదానంలో 1,32,000 మంది ప్రేక్షకులు వీక్షించడానికి అవకాశం ఉంది.