తెలంగాణలో కొత్తగా 1,717 కరోనా కేసులు

దిశ, వెబ్‌డెస్క్: తెలంగాణలో కరోనా మహమ్మారి విస్తృతంగా వ్యాప్తిచెందుతోంది. పాజిటివ్ కేసులు రోజురోజుకూ విపరీతంగా పెరుగుతూ విలయతాండవం చేస్తోంది. తాజాగా గడిచిన 24 గంటల్లో రాష్ట్రంలో 1,717 పాజిటివ్ కేసులు నమోదు అయ్యాయి. కొత్తగా ఐదుగురు వైరస్ బారినపడి మృత్యువాత పడ్డారు. దీంతో రాష్ట్రంలో మొత్తం కేసుల సంఖ్య 2,12,063కు చేరింది. మరణాల సంఖ్య 1,222కు పెరిగింది. ప్రస్తుతం తెలంగాణలో 25,713 యాక్టివ్ కేసులు ఉన్నాయి. 1,85,128 మంది ఆస్పత్రుల నుంచి సంపూర్ణ ఆరోగ్యంగా డిశ్చార్జి అయ్యారు. జీహెచ్ఎంసీ పరిధిలో కొత్తగా 276 కరోనా పాజిటివ్ కేసులు నమోదు అయ్యాయి.