సోషల్ మీడియాకు సెలవు : అమీర్ ఖాన్

దిశ, సినిమా : బాలీవుడ్ మిస్టర్ పర్‌ఫెక్ట్ అమీర్ ఖాన్ ‘లాల్ సింగ్ చద్దా’ సినిమా చేస్తున్న విషయం తెలిసిందే. అద్వైత్ చందన్ దర్శకత్వంలో వస్తున్న ఈ సినిమా ప్రస్తుతం పోస్ట్ ప్రొడక్షన్ వర్క్ జరుపుకుంటుండగా.. క్రిస్మస్ 2021 సందర్భంగా రిలీజ్ చేసేందుకు మూవీ యూనిట్ ప్లాన్ చేసింది. అయితే షూటింగ్ వేగంగా కంప్లీట్ చేయడంతో పాటు వర్క్‌పై మరింత శ్రద్ధ కనబరిచేందుకు కొంతకాలం ‘ఫోన్’ యూజ్ చేయనని గతంలో ప్రామిస్ చేసిన అమీర్.. తాజాగా తన అభిమానులకు మరో షాకింగ్ న్యూస్ చెప్పాడు. ఇకపై తాను సోషల్ మీడియా కూడా వాడబోనని ట్వీట్ చేశాడు.

‘హే గాయ్స్.. నా పుట్టిన‌రోజు సంద‌ర్భంగా శుభాకాంక్షలు తెలపడంతో పాటు నాపై ప్రేమాభిమానాలు చూపించిన మీ అంద‌రికీ ధ‌న్యవాదాలు. ఇక విషయమేంటంటే.. సోష‌ల్ మీడియాలో ఇదే నా ఆఖ‌రి పోస్ట్. నేను ఏ మార్గంలోనైనా చురుకుగా ఉంటాన‌ని భావిస్తూ ఈ నిర్ణయం తీసుకున్నా. ఇంత‌కు ముందులాగే నేను మీతో క‌మ్యూనికేట్ అవుతూనే ఉంటాను. ఏకేపీ(అమీర్‌ఖాన్ ప్రొడ‌క్షన్స్ ప్రైవేట్ లిమిటెడ్) అధికారిక చాన‌ల్‌ను ప్రారంభించింది. ఇక నుంచి నాకు, సినిమాకు సంబంధించిన అప్‌డేట్స్‌ను మీరు అందులోనే చూడొచ్చు. అఫీషియ‌ల్ ట్విట‌ర్ హ్యాండిల్ @akppl_official. ఎప్పటికీ మీపై ప్రేమతో’ అని తన ట్విట్టర్ పోస్ట్‌లో పేర్కొన్నాడు అమీర్‌ఖాన్‌. ‌