పొలంలో హెలికాప్టర్ క్రాష్ ల్యాండింగ్.. వారికి ఏమైంది?

దిశ, వెబ్ డెస్క్ : కేరళలో ఘోర ప్రమాద ఘటన చోటుచేసుకుంది. ఓ హెలికాప్టర్ క్రాష్ ల్యాండింగ్ అయింది. అయితే, ఈ ప్రమాద ఘటనలో హెలికాప్టర్‌లో ఉన్న వారు సేఫ్‌గా ఉన్నట్టు సమాచారం. వివరాల ప్రకారం.. అబుదాబికి చెందిన వ్యాపారవేత్త ఎంఏ యూసుఫ్ అలీ, అతని భార్య ప్రయాణిస్తున్న హెలికాప్టర్ ఎర్నాకుళంలోని పనాంగడ్ వద్ద ఓ చోట క్రాష్ ల్యాండ్ అయింది.

అయితే, ఈ ప్రమాదంలో ఐదుగురు ప్రయాణికులు సురక్షితంగా ఉన్నారని తెలుస్తోంది. సాంకేతిక లోపం కారణంగానే హెలికాప్టర్ క్రాష్ ల్యాండ్ అయినట్టు స్థానిక అధికారులు చెబుతున్నారు. క్రాష్ ల్యాండింగ్ అనంతరం.. అలీ కుటుంబ సభ్యులను కొచ్చిలోని లేష్ షోర్ ఆస్పత్రికి తరలించి వైద్య సేవలు అందిస్తున్నారు.