IPL 2023: పంజాబ్ కింగ్స్‌పై ఆర్సీబీ విజయం..

దిశ, వెబ్‌డెస్క్: IPL 2023లో భాగంగా మొహాలి వేదికగా జరిగిన మ్యాచ్‌లో పంజాబ్ కింగ్స్‌పై ఆర్సీబీ 24 రన్స్ తేడాతో విజయం సాధించింది. పంజాబ్ కింగ్స్ 18.1 ఓవర్లకు 150 మాత్రమే చేసింది. పంజాబ్ బ్యాటర్స్‌లో ప్రభూసిమ్యాన్ సింగ్ 46 పరుగులు చేయగా.. చివర్లలో జితేష్ శర్మ 41 రన్స్‌తో పోరాడాడు. ఆర్సీబీ బౌలర్‌లో సిరాజ్ 4, హసరంగా 2 తీయగా.. పార్నెల్, హర్షల్ తలో వికెట్ తీశారు.

అంతకుముందు మొదట బ్యాటింగ్ చేసిన ఆర్సీబీ నిర్ణీత 20 ఓవర్‌లో 4 వికెట్ల నష్టానికి 174 పరుగులు చేసింది. ఆర్సీబీ ఓపెనర్స్ విరాట్ కోహ్లీ, ఫాఫ్ డుప్లెసిస్ హాఫ్‌ సెంచరీలతో చెలరేగారు. విరాట్ కోహ్లీ (59), ఫాఫ్ డు ప్లెసిస్ (84) చేయగా.. గ్లెన్ మాక్స్‌వెల్ డక్ ఔట్ అయ్యాడు. పంజాబ్ కింగ్స్ బౌలర్‌లో హర్‌ప్రీత్ బ్రార్ 2, అర్ష్‌దీప్ సింగ్, నాథన్ ఎల్లిస్ తలో వికెట్ తీశారు.