తాగుడుకు డబ్బులు ఇవ్వలేదని....

దిశ, చిన్నశంకరంపేట : మద్యం మత్తులో విషం సేవించి ఓ యువకుడు శనివారం మృతి చెందినట్లు స్థానిక ఎస్సై నారాయణ తెలిపారు. ఎస్ఐ కథనం ప్రకారం వివరాలు ఇలా ఉన్నాయి. మండల పరిధి అంబాజీపేట గ్రామానికి చెందిన మల్గ రవి (48 నిత్యం మద్యం సేవిస్తూ జులాయిగా తిరిగేవాడని తెలిపారు. శుక్రవారం ఇంట్లో తన అన్న దేవానందును డబ్బులు అడగగా లేవని అన్నాడు.

తమ్ముడు రవి గవ్వల పల్లి ఎక్స్ రోడ్ వద్ద గుర్తు తెలియని విషం సేవించాడు. మృతుని భార్య సునీతకు సమాచార అందగా నార్సింగ్ మండల కేంద్రంలోని ప్రైవేట్ ఆసుపత్రికి చికిత్స నిమిత్తం తీసుకెళ్లారు. మెరుగైన వైద్యం కోసం అక్కడ చికిత్స పొందుతూ శనివారం మృతి చెందినట్లు ఎస్సై తెలిపారు. మృతునికి ఇద్దరు చిన్నపిల్లలు ఉన్నట్టు తెలిపారు. కేసు నమోదు చేసుకొని దర్యాప్తు చేస్తున్నట్లు తెలిపారు.