Bigg Boss Telugu 7 : ముదిరిన సందీప్ మాస్టర్ 'బొంగు' లో గొడవ.. నాగార్జున అలా అనడం తప్పు అంటున్న నెటిజెన్స్..?
దిశ,వెబ్ డెస్క్: సందీప్ మాస్టర్ బిగ్ బాస్ హౌస్ నుంచి బయటికి వచ్చినప్పటి నుంచి మీడియాలో బాగా వైరల్ అవుతున్నారు. ఆయన అన్న బొంగు అనే మాటను బూతద్దం పెట్టి చూపించినట్టే చేశారు బిగ్ బాస్ హోస్ట్ నాగార్జున. అంతకంటే దారుణమైన బూతులు.. మాట్లాడిన వాళ్లు హౌస్ లో ఉన్నారు. వాళ్ల మీద లేవని నోరు ఒక్క సందీప్ మాస్టర్‌పైనే లేచింది. బొంగు అని అనడం తప్పు అని చెప్పి ఉంటే తప్పేం కాదు కానీ.. ‘బొంగులో డాన్సర్’ అంటూ సందీప్ మాస్టర్‌ని నాగార్జున ఘోరంగా అవమానించారు. బొంగు అనేది అంత పెద్ద బూతే అయితే.. చాలా సినిమాల్లో ఆ పదాన్ని వాడారు. అది బూతు కానప్పుడు.. ఇదేలా బూతు అవుతుంది. ఇదే పాయింట్‌పై బిగ్ బాస్ హౌస్ నుంచి ఎలిమినేట్ అయిన సందీప్ మాస్టర్ గొంతెత్తారు. తాజా ఇంటర్వ్యూలో సందీప్ మాట్లాడుతూ.. ‘‘నా డాన్స్‌ని ఇష్టపడే వాళ్లు లక్షలమంది ఉన్నారు.. కానీ హోస్ట్ నాగార్జున గారు.. బొంగులో డాన్స్ అని అనడంతో చాలా ఫీల్ అయ్యాను. ఆయన నన్ను బొంగులో గేమ్.. అని అనిఉంటే నేనంత ఫీల్ అయ్యేవాడ్ని కాదు. ఎందుకంటే డాన్స్ నా వృత్తి. దాన్ని పట్టుకుని బొంగులోది అని అనడంతో చాలా బాధపడ్డానని చెప్పుకొచ్చారు. దీని పై స్పందించిన నెటిజెన్స్ నాగార్జున అలా అనడం తప్పు అంటూ కామెంట్స్ చేస్తున్నారు.
