Kia Carens Facelift: కియా నుంచి మరో కొత్త కారు.. డిజైన్, ఫీచర్స్ నెక్ట్స్ లెవల్ అంతే
దిశ, వెబ్‌డెస్క్: Kia Carens Facelift: కియా(Kia) కంపెనీ నుంచి మరో సరికొత్త మోడల్ కారు మార్కెట్లోకి లాంచ్ అయ్యేందుకు రెడీగా ఉంది. కేరెన్స్ (Kia Carens)పేరుతో ఈ మోడల్ ఫీచర్లు ఆకట్టుకునేలా ఉన్నాయి. డిజైన్ కూడా చాలా రిచ్ గా ఉంది. ఈ కారు లాంచ్ తేదీ, స్పెషాలిటీ గురించి పూర్తి వివరాలు తెలుసుకుందాం.
కొత్త మోడల్స్ కార్లను ఆవిష్కరించడంలో ప్రముఖ కార్ల తయారుదారు సంస్థ అయిన కియా(Kia) ఎప్పుడూ ముందు వరుసలో ఉంటుంది. ఈ కంపెనీ కార్లు చూడటానికి కూడా చాలా రిచ్ లుక్ తో కనిపిస్తుంటాయి. అలాంటి మరో స్టైలిష్ కారును లాంచ్ చేసేందుకు కియా రెడీ అయ్యింది. ప్రస్తుతం ఈ కారు టెస్టింగ్ ఫేజ్ లో ఉంది. కేరెన్స్(Carens) పేరుతో ఉన్న ఈ కొత్త వెర్షన్ కారు ఈ ఏడాది చివరిలో వస్తుందని భావిస్తున్నారు. అయితే అధికారిక లాంచ్ తేదీని మాత్రం కంపెనీ ఇంకా ప్రకటించలేదు. అయితే డిజైన్ లో చిన్న చిన్న మార్పులు ఉండే అవకాశం ఉన్నట్లు తెలుస్తోంది. ఇంటీరియర్ లో పెద్ద మార్పులు ఉండబోతున్నాయి. కానీ ఇంజిన్ లో మాత్రం ఎలాంటి మార్పులు ఉండవని చెబుతున్నారు.
కొత్త కేరెన్స్ ఇంటీరియర్ మార్పులు(Interior changes) ఉండే ఛాన్స్ ఉంది. కొత్త స్టీరింగ్ వీల్, ట్రిమ్స్ , అప్ హోల్ స్టరీ ఉండే అవకాశం ఉంది. కియా సెల్టోస్ మాదిరిగానే 30 అంగుళాల ట్రినిటీ పనోరమిక్ డిస్ ప్లే(Trinity Panoramic Display) కూడా అప్ గ్రేడ్ చేసి ఇందులో ఏర్పాటు చేసే ఛాన్స్ ఉంది. 12.3అంగుళాల హెచ్డీ టచ్ స్క్రీన్, 12 అంగుళాల ఇన్ స్ట్రుమెంట్ క్లస్టర్, 5 అంగుళాల ఆటోమెటిక్ ఏసీ కంట్రోల్ డిస్ప్లే ఈ కారులో ఏర్పాటు చేస్తున్నారు.
ప్రయాణికుల సేఫ్టీకి కియా ఎక్కువ ప్రాధాన్యత ఇస్తోంది. భద్రతను పెంచేందుకు కొత్త కేరెన్స్ మోడల్ లో అడాప్టివ్ క్రూయిజ్ కంట్రోల్, బ్లైండ్ స్పాట్ మానిటరింగ్, ఎమర్జెన్సీ బ్రేకింగ్ తో లెవల్ 1 డ్రైవర్ అసిస్టెన్స్ సిస్టమ్ ఏర్పాటు చేసే ఛాన్స్ ఉందని నిపుణులు చెబుతున్నారు. ఇప్పటికే ఉన్న ఫీచర్లు కొనసాగిస్తూనే 360 డిగ్రీల కెమెరా కూడా ఏర్పాటు చేస్తున్నారట.
ఈ ఏడాదిలో విడుదల కానున్న కేరెన్స్ మోడల్ (Kia Carens)లో కొత్త ఫ్రంట్ గ్రిల్, అప్ గ్రేడ్ చేసిన హెడ్ లైట్స్, మార్చిన బంపర్లు, కొత్త అల్లాయ్ వీల్స్ ఉంటాయి. కొత్త కలర్ స్కీములను కూడా అందించే ఛాన్స్ ఉంటుంది. ఇప్పటికే ఉన్న ఇంజిన్, ట్రాన్స్ మిషన్ కూడా కొనసాగించే అవకాశం ఉంది.
