Grand i10 NIOS: హ్యుందాయ్ గ్రాండ్ ఐ 10 నియోస్ కొనడం ఇప్పుడు చాలా ఖరీదైనది.. తెలుసుకుంటే షాక్

దిశ, వెబ్ డెస్క్: Grand i10 NIOS price Hike: దేశంలోని ప్రముఖ కార్ల తయారీ సంస్థ హ్యుందాయ్ మోటార్ ఇండియా(Hyundai Motor India) తన ప్రీమియం హ్యాచ్‌బ్యాక్ కారు గ్రాండ్ ఐ10 నియోస్ ధరను పెంచింది. ఇప్పుడు ఈ కారు కస్టమర్లకు ఖరీదైనదిగా మారుతుంది. గ్రాండ్ i10 నియోస్ అనేది మారుతి సుజుకి స్విఫ్ట్ కు గట్టి పోటీనిచ్చే గొప్ప కారు. ఇది స్విఫ్ట్ కంటే చాలా బలంగా, మెరుగైన నాణ్యతను కలిగి ఉంది. మీరు ఈ కారు కొనాలని ఆలోచిస్తుంటే, గ్రాండ్ i10 ధర ఎంత.. దాని ఫీచర్లు, ఇంజిన్ గురించి పూర్తి వివరాలు తెలుసుకుందాం.

నివేదికల ప్రకారం, హ్యుందాయ్(Hyundai) గ్రాండ్ ఐ10 నియోస్ ధర రూ.15,200 పెరిగింది. గ్రాండ్ ఐ10 నియోస్ ధర రూ.6000 పెరిగి రూ.15200కి చేరుకుంది. ఈ ధరలో CNG మోడల్ కూడా ఉంది. దాని బేస్ మోడల్ ERA కి అతి తక్కువ ధర పెరుగుదల ఉంది. ఈ కారులో మొత్తం 12 వేరియంట్లు అందుబాటులో ఉన్నాయి. కారు కొత్త ధర ఇప్పుడు రూ. 5.98 లక్షల నుండి రూ. 8.62 లక్షల వరకు ఉంది.

ఫీచర్ల గురించి తెలుసుకుంటే.. గ్రాండ్ i10 NIOS లైనప్‌లోకి కొత్త వేరియంట్ జోడించారు. ఇది 8-అంగుళాల టచ్‌స్క్రీన్ డిస్ప్లే, ఆండ్రాయిడ్ ఆటో, ఆపిల్ కార్‌ప్లే, ఆటోమేటిక్ టెంపరేచర్ కంట్రోల్ (FATC), పుష్ బటన్ స్టార్ట్/స్టాప్, 15-అంగుళాల డైమండ్ కట్ అల్లాయ్ వీల్స్, క్రోమ్ బయటి డోర్ హ్యాండిల్స్ వంటి అనేక ఫీచర్లను కలిగి ఉంది. ఈ కారులో భద్రత విషయంలో పూర్తి జాగ్రత్తలు తీసుకున్నారు. కస్టమర్లకు పూర్తి భద్రత కల్పించేందుకు ఈ కారులో 6 ఎయిర్‌బ్యాగ్‌లతో సహా 30 కి పైగా భద్రతా ఫీచర్లు చేర్చింది.

పనితీరు కోసం, గ్రాండ్ i10 NIOS కారు 1.2L పెట్రోల్ ఇంజిన్‌తో అమర్చింది. ఇది CNGలో కూడా లభిస్తుంది.

ఇంజిన్: 1.2లీ కప్పా పెట్రోల్/సిఎన్‌జి

పవర్: 82PS (పెట్రోల్)

69PS (CNG)

టార్క్: 113.8Nm (పెట్రోల్)

95.2ఎన్ఎమ్ (సిఎన్జి)

మైలేజ్: 27.3 కి.మీ/కి.గ్రా (MT)

20.7 కి.మీ.లీ (MT)

20.1 కి.మీ.ఎల్ (AMT)

మీరు ఈ నెలలో గ్రాండ్ i10 నియోస్ కొనాలని ఆలోచిస్తుంటే మీకు రూ. 38,000 వరకు తగ్గింపు లభిస్తుంది. కానీ ఈ ఆఫర్ ఫిబ్రవరి 28 వరకు మాత్రమే చెల్లుతుంది.