వలస కూలీకి రూ.10 వేలు ఇవ్వండి: మమతా బెనర్జీ

కోల్‌కతా: లాక్‌డౌన్ కారణంగా ఉపాధి కోల్పోయిన వలస కార్మికులకు పీఎం కేర్ ఫండ్స్ నుంచి రూ.10వేల చొప్పున ఆర్థిక సాయం చేయాలని పశ్చిమ బెంగాల్ సీఎం మమతా బెనర్జీ కోరారు. ఈ మేరకు మమత ట్వీట్ చేస్తూ.. ‘కరోనా మహమ్మారి కారణంగా ప్రజలు తీవ్ర ఆర్థిక ఇబ్బందులు ఎదుర్కొంటున్నారు. కావునా, అసంఘటిత, వలస కార్మికులకు కేంద్ర ప్రభుత్వం రూ.10వేల చొప్పున సాయం చేయాలి. ఇందుకోసం పీఎం కేర్స్‌కు వచ్చిన నిధులను ఉపయోగించవచ్చు’ అని పేర్కొన్నారు.