‘వీ’ సినిమా గుర్తుగా గ్రీన్ ఛాలెంజ్

దిశ, వెబ్‌డెస్క్: ఎంపీ సంతోష్ కుమార్ ప్రారంభించిన గ్రీన్ ఇండియా ఛాలెంజ్ ఎంతో స్ఫూర్తిదాయకమని యంగ్ హీరో సుధీర్ బాబు అన్నారు. ‘వీ’ సినిమా టైటిల్‌, గుర్తుగా గండిపేటలోని తన నివాసంలో మొక్కలు నాటిన సుధీర్ బాబు.. తీసే ప్రతి సినిమా విడుదల రోజు మొక్కలు నాటుతానని స్పష్టం చేశారు. ఆ మొక్కలకు సినిమా పేర్లు పెట్టనున్నట్లు చెప్పారు. ఎంపీ సంతోష్ పర్యావరణ పరిరక్షణకు కొత్త ఛాలెంజ్ తీసుకొచ్చారని ‘వీ’చిత్ర యూనిట్ ప్రశంసలు కురిపించింది. ఈ సందర్భంగా గ్రీన్ ఛాలెంజ్ స్వీకరించిన సుధీర్‌బాబుకు ఎంపీ సంతోష్ అభినందనలు తెలియజేశారు.