అదిగో పెను నిశ్శబ్దం పగిలింది.. కేజీఎఫ్ 2 వాయిదా పడింది
దిశ, వెబ్‌డెస్క్: ‘అదిగో పెను నిశ్శబ్దం పగిలి ముక్కలవుతున్న భీకర దృశ్యం.. అలలు ఎగిసిన తడి అలజడి ఆగ్రహ తేజమై రూపు దాల్చిన సత్యం.. ఆర్తత్రాన పరాయణ దీక్ష .. పర్వం.. అహో .. ఆరంభం’ అంటూ.. థియేటర్‌లో కూర్చున్న అభిమానులకు గూస్‌బంప్స్ తెప్చించిన కేజీఎఫ్ చాప్టర్ 1 పాన్ ఇండియాలో సంచలనం సృష్టించింది. కానీ, కరోనా దెబ్బకు చాప్టర్ 2 వాయిదా పడుతూనే ఉంది. నిజానికి చెప్పాలంటే అందని ద్రాక్షలా మారిందని అభిమానులు నిరూత్సాహంలో ఉన్నారని సినీ వర్గాల్లో టాక్. ఇది ఇలా ఉంటే మాస్‌ పీపుల్‌లో ఈ సినిమా అంచనాలే వేరే లెవెల్ అని చెప్పవచ్చు.
ఇప్పటికే కేజీఎఫ్ చాప్టర్ టీజర్ 2 జనవరి 7న విడుదలైన సంగతి తెలిసిందే. పాన్ ఇండియా స్థాయిలో అత్యథిక వ్యూస్ సంపాధించినా ఏకైక సినిమా(టీజర్)గా రికార్డులు బద్దలు కొట్టినా.. ట్రైలర్‌ అప్పుడూ.. ఇప్పుడూ.. అంటూ చిత్ర యూనిట్ వాయిదా వేస్తూ వచ్చింది. ఇందుకు ముఖ్య కారణం కరోనా, లాక్‌డౌన్. ఆ తర్వాత రాష్ట్ర ప్రభుత్వాలు షూటింగ్‌కు అనుమతి ఇవ్వడంతో.. ఈ ఏడాది చివరికల్లా కేజీఎఫ్ చాప్టర్ 2 విడుదల అవుతుందని అందరూ ఆశపడ్డారు.
ఇటువంటి సమయంలో మరోసారి వాయిదా వేస్తున్నట్టు చెప్పకనే చెబుతూ.. అభిమానులకు మరో శుభవార్త కూడా చెప్పింది చిత్ర యూనిట్. వచ్చే ఏడాది (ఏప్రిల్ 14, 2022) కేజీఎఫ్ చాప్టర్ 2 ప్రపంచ వ్యాప్తంగా థియేటర్లలో విడుదల కానుందని స్పష్టం చేసింది. ఏది ఏమైనా సినిమా మాత్రం వచ్చే ఏడాది విడుదల అవుతుందని అభిమానులు సంబురాలు చేసుకుంటున్నారు. ఇదే విషయం సోషల్ మీడియాలో కోడై కూస్తోంది.
The uncertainties of today will only delay our resolve, but the eventuality is as promised. We will be out in theaters on April 14th 2022. #KGF2onApr14@TheNameIsYash @prashanth_neel @VKiragandur @HombaleGroup @duttsanjay @TandonRaveena @SrinidhiShetty7 @prakashraaj#KGFChapter2 pic.twitter.com/BGMBCatsgA
— Hombale Films (@hombalefilms) August 22, 2021
