డబ్ల్యూటీటీ బరిలోకి వీనస్
దిశ, స్పోర్ట్స్: వరల్డ్ టీమ్ టెన్నిస్ (డబ్ల్యూటీటీ) టోర్నీలో అమెరికా టెన్నిస్ స్టార్ వీనస్ విలియమ్స్ ఆడనుంది. తొమ్మిది జట్లు తలపడే డబ్ల్యూటీటీ టోర్నీలో వీనస్ పాల్గొనడం ఇది 15వ సారి. ఈ ఏడాది ఆమె వాషింగ్టన్ కాజిల్స్ జట్టు తరఫున ఆడనున్నట్లు నిర్వాహకులు తెలిపారు. మూడు వారాలపాటు జరగనున్న ఈ టోర్నీ జులై 12నుంచి ప్రారంభం కానుంది. డబ్ల్యూటీటీ పోటీలు అమెరికాలోని పలు నగరాల్లో నిర్వహించేవారు. కానీ ప్రస్తుతం కరోనా మహమ్మారి కారణంగా వెస్ట్ వర్జీనియా వేదికగా నిర్వహిస్తున్నారు. ఈ పోటీలు ఏటీపీ పరిధిలోకి రావు. కాబట్టి ఇక్కడి గెలుపోటములు ర్యాంకింగ్స్‌పై ఎలాంటి ప్రభావాన్నీ చూపవు. మరోవైపు లాక్‌డౌన్ నిబంధనల ప్రకారం.. ఔట్ డోర్‌లో జరిగే పోటీలకు 500మందిని, ఇన్‌డోర్ పోటీలకు 250మంది ప్రేక్షకులను అనుమతించనున్నారు. ఫేస్‌మాస్క్ లేకుంటే స్టేడియంలోనికి అనుమతించమని, ప్రతి ఒక్కరికీ థర్మల్ స్క్రీనింగ్ చేస్తామని నిర్వాహకులు స్పష్టం చేశారు.
