పెంపుడు తాబేలుతో రోడ్డుపై వాకింగ్.. అవాక్కైన జ‌నాలు! (వీడియో)
దిశ, వెబ్‌డెస్క్ః వివిధ కార‌ణాల వ‌ల్ల ఇంట్లో పెంపుడు జంతువులు లేక‌పోయినా, జంతువుల్ని ప్రేమించేవారు చాలా మంది ఉంటారు. బ‌య‌ట అంద‌మైన పెట్‌ని చూసి, మురుసుకుంటారు. స‌రిగ్గా, ఇలాగే, నెటిజన్ల మనసు దోచుకుంటున్న ఓ వీడియో సోషల్ మీడియాలో వైరల్ అవుతోంది. ఈ వీడియోను ఇన్‌స్టాగ్రామ్‌లో 'నేచర్' అనే పేజీ షేర్ చేసింది. ఈ రీల్‌లో, వృద్ధుడైన ఓ వ్యక్తి తన పెంపుడు తాబేలుతో క‌లిసి పట్టణ వీధుల్లో వాకింగ్ చేస్తుంటాడు. ఈ ముసలి తాబేలు చూడ‌టానికి అందంగా ఉండ‌ట‌మే కాకుండా, త‌ల‌పై టోపీ కూడా ధరించి ఉంటుంది. అయితే, దాని మార్గాన్ని నావిగేట్ చేయడానికి దాని కాలు ఒకటి ఆ వ్యక్తి ప్యాంటుకు క‌ట్టి ఉంటుంది. ఇక, వృద్ధుడు తన పెంపుడు తాబేలు వేగానికి తగ్గట్టుగా చేతిలో బ్యాగ్‌తో నెమ్మదిగా నడుస్తుంటాడు. ఇది చూస్తూ అటుగా వ‌చ్చిన వ్యక్తులు ఆ అసాధారణ దృశ్యాన్ని చూసి మెచ్చుకోవడం కనిపిస్తుంది. కొంతమంది మహిళలు ఆగి తాబేలును తాకుతుంటారు. ఈ వీడియో చూసి నెటిజన్లు ముగ్ధుల‌వుతున్నారు.
