దర్శనం కోసం వెళ్తూ.. వాగులో పడి యువతి గల్లంతు

దిశ, ఏపీ బ్యూరో: పశ్చిమగోదావరి జిల్లా బుట్టాయగూడెంలో విషాదం చోటు చేసుకుంది. బుట్టాయగూడెం గుబ్బలమంగమ్మ ఆలయం వద్ద కొండవాగులో యువతి గల్లంతైంది. ఆలయం సమీపంలోని ఎర్ర ఎక్కుడు కాల్వ వరద ఉధృతికి మోటార్ సైకిల్ నుండి జారిపడి ఓ యువతి కాల్వలో కొట్టుకుపోయింది. అయితే ఈ ప్రమాదం నుంచి యువతి సోదరుడు తృటిలో తప్పించుకున్నాడు. మరో ఇద్దరు యువకులు సైతం ప్రాణాలతో బయటపడ్డారు. ఏలూరుకు చెందిన అన్నా చెల్లెళ్లు, అతడి స్నేహితులు రెండు మోటార్ సైకిళ్ళపై మొక్కు తీర్చుకోవడానికి గుబ్బల మంగమ్మ ఆలయానికి వచ్చారు.

కాల్వదాటుతుండగా వెనుక కూర్చున్న యువతి కాల్వలో పడి గల్లంతైంది. యువతి గల్లంతు అయిన సమాచారం తెలుసుకున్న బుట్టాయిగూడెం పోలీసులు, ఆలయ కమిటీ యువతి కోసం గాలిస్తున్నారు. కళ్లెదుటే తన సోదరి కాల్వలో పడిపోవడంతో యువతి సోదరుడు కన్నీరుమున్నీరుగా విలపిస్తున్నాడు.