వ్యాక్సినేషన్ లో సరి కొత్త రికార్డ్.. ఏకంగా 4 కొట్ల డోసులు..

దిశ, తెలంగాణ బ్యూరో: రాష్ట్రంలో 4 కోట్ల డోసుల మైలు రాయి దాటింది. ఇప్పటి వరకు 4 కోట్ల45వేల 178 డోసులు పంపిణీ చేసినట్లు ఆరోగ్యశాఖ పేర్కొన్నది. వీటిలో రెండు కోట్ల 61 లక్షల 9 వేల 999 మంది మొదటి, కోటి, 39 లక్షల 35 వేల 179 మంది రెండో డోసును పొందినట్లు స్పష్టం చేశారు. మరో 6 శాతం మంది మొదటి డోసు తీసుకోవాల్సి ఉండగా, 47 శాతం మంది రెండో డోసు పొందాల్సి ఉన్నది. మరో వైపు రాష్ట్ర వ్యాప్తంగా టీకా పంపిణీ నిర్వీరామంగా కొనసాగుతున్నది. కొన్ని జిల్లాల్లో ఉదయం ప్రారంభమై రాత్రి 8 గంటల వరకు పంపిణీ జరుగుతుందని హెల్త్​ఆఫీసర్లు పేర్కొన్నారు. కూలీలు, వ్యవసాయ పనులు తదితర ఉద్యోగులకు ఇబ్బందులు కలుగకూడదనే ఉద్దేశ్యంతో ఈ నిర్ణయం తీసుకున్నట్లు అధికారులు చెబుతున్నారు. ఇంటింటికీ తిరిగి డిసెంబరు 31 వరకు అర్హులందరికీ టీకాలు ఇచ్చేస్తామని వైద్యశాఖ ధీమాను వ్యక్తం చేసింది.

పక్కా ప్లాన్​తో పంపిణీ..

దేశ వ్యాప్తంగా జనవరి 16వ తేదిన టీకా పంపిణీ షురూ అయింది. రాష్ట్ర వ్యాప్తంగా 18 ఏళ్లు నిండినోళ్లు 2,77,67 వేల మంది ఉండగా, వీరికి 3500 ప్రభుత్వ, 264 ప్రైవేట్​ కేంద్రాల్లో డోసులు పంపిణీ చేస్తున్నారు. దాదాపు 10 వేల మంది వ్యాక్సినేటర్లతో పాటు మరో 25 వేల మంది అదనపు సిబ్బంది వ్యాక్సినేషన్​ కార్యక్రమంలో పాల్గొంటున్నారు. అయితే పంపిణీ ప్రారంభంలో టీకాల కొరత ఎక్కువగా ఉన్నందున తొలి విడత హెల్త్​ కేర్, ఫ్రంట్​లైన్​, హైరిస్క్​ గ్రూప్స్​, ఆర్టీసీ, టీచర్స్​, సింగరేణీ, ఆర్మీ, మున్సిపల్​, డ్రైవర్స్​ తదితర 44 విభాగాలను సూపర్​ స్ప్రేడర్స్​కేటగిరీలో పకడ్భందీగా పంపిణీ చేశారు. ఆ తర్వాత డోసులు ఉత్పత్తిని బట్టి క్రమంగా అందరికీ ఇవ్వడం షురూ చేశారు.

మొదటి కోటికి 165 రోజుల సమయం: డీహెచ్​డా జీ శ్రీనివాసరావు

రాష్ట్రంలో మొదటి కోటి డోసులు పంపిణీకి 165 రోజుల సమయం పట్టింది. దీనిలో 86 శాతం ఫస్ట్​, 14 శాతం సెకండ్​ డోసు పొందారు. అదే విధంగా రెండో కోటి దాటడానికి 78 రోజులు పట్టగా, మూడో కోటికి 27 రోజులు, నాల్గవ కోటికి 38 రోజుల సమయం పట్టింది. ప్రతీ ఇంటికి సర్వే చేస్తూ టీకాలు ఇవ్వడంతో పాటు పబ్లిక్​ ప్లేసేస్​లలో 180 మొబైల్ టీంలతో టీకా పంపిణీ చేశాం. అర్భన్​, రూరల్​ ప్రాంతాల్లో విస్తృతంగా పంపిణీ చేశాం. ఆశాలు, ఏఎన్​ఎంలు క్షేత్రస్థాయిలోఅద్భుతంగా పనిచేస్తున్నారు. వారందరికీ అభినందనలు.