Tollywood: హీరోయిన్స్ తో కలిసి అమెరికా వెకేషన్ ఎంజాయ్ చేస్తున్న టాలీవుడ్ హీరో..?
దిశ, వెబ్ డెస్క్ : సీనియర్ హీరో రాజశేఖర్ కూతురు శివాని ( Shivani Rajashekar), శివాత్మిక (Shivathmika Rajashekar) లు మనందరికీ సుపరిచితమే. ఈ ఇద్దరు బ్యూటీలు తెలుగులో మూవీస్ చేసి మంచి గుర్తింపు తెచ్చుకున్నారు. నటి శివాని, సినిమాలే కాకుండా వెబ్ సిరీస్ ల్లో నటిస్తుంది. ఖాళీ సమయాల్లో సోషల్ మీడియాలో ఫొటోస్ అప్లోడ్ చేస్తూ చాలా యాక్టీవ్ గా ఉంటారు.
తాజాగా శివాని, శివాత్మిక ఇద్దరూ వారి స్నేహితులతో అమెరికా ట్రిప్ కి వెళ్లారు. ఈ వెకేషన్ లో తమ ఫ్రెండ్స్ తో ఎంజాయ్ చేస్తున్న పలు ఫోటోలని పోస్ట్ చేయగా, నెట్టింట ట్రెండ్ అవుతున్నాయి. ఆ ఫొటోల్లో శివాని, శివాత్మిక లతో పాటు నటుడు రాహుల్ విజయ్, హీరోయిన్ షాలిని కొండేపూడి ఉన్నారు. ముందు నుంచే శివాని, రాహుల్, షాలిని మంచి స్నేహితులు.
నటుడు రాహుల్ విజయ్ కూడా సినిమాలు, వెబ్ సిరీస్ చేస్తూ మంచి పేరు సంపాదించుకున్నాడు. అలాగే, షాలిని కొండేపూడి తెలుగులో వరుస సినిమాలు చేసింది. ఈ ముద్దుగుమ్మ నటిగానే కాకుండా రచయితగా ఫుల్ బిజీ అయింది. ఇక ఇప్పటికే శివాని రాజశేఖర్, రాహుల్ విజయ్ కలిసి కోట బొమ్మాళి, విద్యా వాసుల అహం అనే సినిమాలు చేశారు. తాజాగా, వీరందరూ కలిసి ఫారెన్ ట్రిప్ కు వెళ్ళారు.
