పండంటి కవలలకు జన్మనిచ్చిన సింగర్ చిన్మయి..
దిశ, వెబ్‌డెస్క్: ప్రముఖ సింగర్ చిన్మయి శ్రీపాద గురించి ప్రత్యేకంగా చెప్పాల్సిన అవసరం లేదు. ఎందుకంటే ప్రేక్షకులను సింగర్‌గానే కాకుండా ముఖ్యంగా టాలీవుడ్ బ్యూటీ సమంతకు డబ్బింగ్ ఆర్టిస్ట్‌గానే ఎక్కువ మందికి తెలుసు. చిన్మయి ఎన్నో చిత్రాలకు పాటలు పాడారు. బాయ్స్, శివాజీ, ఆరెంజ్, వంటి చిత్రాలతో తనకంటూ ప్రత్యేక గుర్తింపు తెచ్చుకుంది. ఆ తర్వాత హీరో రాహుల్‌తో ప్రేమలో పడి, పెద్దలను ఒప్పించి 2014లో వివాహబంధంలోకి అడుగుపెట్టారు.
రాహుల్ కేవలం హీరోగానే కాకుండా సహాయనటుడిగా, దర్శకుడిగా కూడా ప్రేక్షకులను ఎంతగానో అలరించారు. అయితే జూన్ 21న చిన్మయి పండంటి కవలలకు జన్మనిచ్చింది. ఈ విషయాన్ని స్వయంగా రాహుల్ తన ట్విట్టర్ ద్వారా చిన్నారుల చేతులను పట్టుకున్న ఫొటోలను షేర్ చేస్తూ.. ఇలా రాశారు'ద్రిప్త, శర్వస్ మా ప్రపంచంలోకి కొత్తగా వచ్చారు.. జీవితాంతం మాతోనే ఉండిపోయే అతిథులు'' అంటూ చెప్పుకొచ్చాడు. అది చూసిన సెటబ్రిటీలు, నెటిజన్లు ఈ దంపతులకు శుభాకాంక్షలు తెలియపరుస్తున్నారు.
Driptah and Sharvas:) The new and forever center of our universe ❤️ pic.twitter.com/RJmzDciRDy
— Rahul Ravindran (@23_rahulr) June 21, 2022
