ఆ దుస్తుల్లో దర్శనమిస్తున్న RRR టీం.. ఫొటో వైరల్
దిశ, వెబ్‌డెస్క్ : స్టార్ హీరోస్ యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ హీరోలుగాదర్శక ధీరుడు రాజమౌళి నిర్మించిన సినిమా ఆర్ ఆర్ ఆర్. ఈ సినిమా కోసం అటు నందమూరి ఫ్యాన్స్, ఇటు మెగాఫ్యాన్స్ ఎంతగానో ఎదురు చూస్తున్నారు. పాన్ ఇండియా మూవీగా వస్తున్న ఆర్ ఆర్ ఆర్‌పై అంచనాలు రోజు రోజుకు పెరిగిపోతున్నాయి. ఇక సినిమా విడుదల మూడు రోజులే ఉంది. దీంతో RRR సినిమాను జ‌క్కన్న, ఎన్టీఆర్, చరణ్, రాజమౌళి అండ్ టీమ్ వీలైనంత‌గా ప్రమోట్ చేసుకుంటున్నారు. ఇందులో భాగంగా గత రాత్రి, మూవీ టీం ఢిల్లీలో ఒక కార్యక్రమాన్ని ముగించి, ఈ ఉదయం (సోమవారం) వారు అమృత్‌సర్‌లో దిగారు.
దర్శకుడు రాజమౌళి, మెగా హీరో రామ్ చరణ్, జూనియర్ ఎన్టీఆర్ అమృత్‌సర్‌లోని స్వర్ణ దేవాలయాన్ని సందర్శించి ప్రత్యేక పూజలు చేశారు. ప్రస్తుతం దీనికి సంబంధించిన ఫొటో ఒకటి వైరల్‌గా మారింది. రాజమౌళి, చరణ్, తారక్ సాధారణ తెల్లని కుర్తా ధరించి వారి తలలకు తెల్లటి గుడ్డ కట్టి ఉన్న ఫొటో ఒకటి సోషల్ మీడియాలో హల్ చల్ చేస్తోంది. అయితే ఇది ఆలయంలోకి ప్రవేశించడానికి ఆచారం. దర్శనం అనంతరం 'RRR'ని ప్రమోట్ చేయడానికి టీమ్ వేరే వేదికలో మరో ఈవెంట్‌ని నిర్వహిస్తుంది. సినిమాపై ఉన్న భారీ అంచ‌నాల‌కు ధీటుగా సినిమా ఉంటుంద‌న‌డంలో సందేహం లేదు. దీన్ని వీలైనంత మంది ఎక్కువ మంది ప్రేక్షకుల‌కు రీచ్ అయ్యేలా చేయడానికి జ‌క్కన్న యావ‌త్ దేశాన్ని ఓ చుట్టు చుట్టేస్తూ సినిమాని ప్రమోట్ చేస్తున్నారు. కాగా, తెలుగు రాష్ట్రాల్లో తొలి వారాంతంలో ఆన్‌లైన్ అడ్వాన్స్ టికెట్ బుకింగ్ దాదాపుగా అమ్ముడుపోయింది. USAలో, ప్రీ-సేల్స్ రెండు మిలియన్ల మార్క్‌ను దాటడం ఇది కొత్త మైలురాయి. 'RRR' ఉత్తర అమెరికాలో 1150కి పైగా లొకేషన్‌లలో విడుదలవుతోంది.
