Rashmika Mandanna: ప్రేక్షకులను భయపెట్టేందుకు వస్తున్న రష్మిక.. వీడియో విడుదల చేస్తూ ఆసక్తికర పోస్ట్
దిశ, సినిమా: స్టార్ హీరోయిన్ రష్మికా మందన్న(Rashmika Mandanna) ‘పుష్ప’ సినిమాలో నేషనల్ క్రష్‌గా ఫుల్ క్రేజ్ తెచ్చుకుంది. గత ఏడాది ‘యానిమల్’(Animal ) చిత్రంతో భారీ విజయాన్ని తన ఖాతాలో వేసుకుంది. అదే ఫామ్‌తో టాలీవుడ్(Tollywood), బాలీవుడ్ అనే తేడా లేకుండా వరుస సినిమాలతో దూసుకుపోతుంది. ప్రజెంట్ ఈ అమ్మడు ‘పుష్ప-2’(Pushpa 2: The Rule) చిత్రంలో అల్లు అర్జున్‌కు జోడీగా నటిస్తోంది. అలాగే రష్మిక బాలీవుడ్‌లో ఓ మూవీ చేస్తోంది. ఇందులో ఆయుష్మాన్ ఖురానా(Ayushmann Khurrana) సరసర హీరోయిన్‌గా నటిస్తుండగా.. స్త్రీ, బెడియా, రూపొందించిన మంజ్యు క్రియేటర్స్ ఈ చిత్రాన్ని నిర్మిస్తోంది.
అయితే ఈ సినిమాలో పరేష్ రావల్(Paresh Rawal), నవాజుద్దీన్ సిద్ధిఖీ(Nawazuddin Siddiqui) కీలక పాత్రలో కనిపించబోతున్నారు. దీనిని ఆదీత్య సర్పోత్దార్(Aditya Sarpotdar) తెరకెక్కిస్తున్నారు. తాజాగా, ఈ సినిమాకు సంబంధించిన టైటిల్‌ను మేకర్స్ విడుదల చేస్తూ ఓ వీడియోను షేర్ చేశారు. ఈ పోస్ట్‌ను రష్మిక తన ఇన్‌స్టాగ్రామ్ ద్వారా షేర్ చేసింది. అయితే హారర్ కామెడీ నేపథ్యంలో తెరకెక్కుతున్న ఈ చిత్రానికి ‘థమా’(THAMA)అనే టైటిల్ ఫిక్స్ చేశారు.
దురదృష్టవశాత్తూ, ఇది రక్తపాతం అనే క్యాప్షన్ జత చేస్తూ వచ్చే ఏడాది దీపావళి కానుకగా ప్రేక్షకుల ముందుకు రాబోతున్నట్లు వెల్లడించింది. ప్రజెంట్ రష్మిక భయపెట్టేందుకు వస్తుందని తెలుసుకున్న నెటిజన్లు, ఫ్యాన్స్ ఆసక్తిగా ఎదురు చూస్తున్నారు. అలాగే ఇన్నాళ్లు ప్రేమ కథలతో వచ్చిన ఈ అమ్మడు హారర్ సినిమాతో సక్సెస్ అందుకుంటుందా? అనే అనుమానం వ్యక్తం చేస్తున్నారు.
Telugu News , Latest Telugu news , Latest News in Telugu
