అలా ఆలోచిస్తే అందరూ శాస్త్రవేత్తలే.. విద్యార్థులకు పిలుపునిచ్చిన సర్పంచ్

దిశ, కొండపాక: జాతీయ సైన్స్ దినోత్సవాన్ని పురస్కరించుకుని సిద్దిపేట జిల్లా కొండపాక మండల కేంద్రంలో వేద ఇంటర్నేషనల్ స్కూల్‌లో సైన్స్ డేను ఘనంగా నిర్వహించారు. ఈ వేడుకలకు కొండపాక సర్పంచ్ చిట్టి మాధురి ముఖ్యఅతిథిగా హజరయ్యారు. ఈ సందర్భంగా ఆమె మాట్లాడుతూ.. వినూత్నంగా ఆలోచిస్తే అందరూ శాస్త్రవేత్తలే అన్నారు. ప్రతి ఒక్కరూ ప్రతి క్షణం వినూత్నంగా ఆలోచించేందుకు ప్రయత్నించాలని విద్యార్థినీ విద్యార్థులకు పిలుపునిచ్చారు. అనంతరం ఈ విద్యా సంవత్సరంలో ప్రతిభ కనబరిచిన విద్యార్థులకు ప్రతి తరగతి నుండి ఇద్దరు చొప్పున సైన్స్ ఫౌండేషన్ అవార్డులను బహూకరించారు. ఈ కార్యక్రమంలో పాఠశాల ప్రిన్సిపాల్ హరిబాబు కోఆర్డినేటర్ మాలతి మరియు ఉపాధ్యాయ బృందం పాల్గొన్నారు.