Mahesh Babu: ప్రీ రిలీజ్ ఈవెంట్‌కు మహేశ్ మామయ్య రాకపోవచ్చు.. అసలు విషయం చెప్పిన యంగ్ హీరో
దిశ, సినిమా: స్టార్ హీరో మహేశ్ బాబు (Mahesh Babu) మేనల్లుడు అశోక్ గల్లా (Ashok Galla) హీరోగా నటిస్తున్న తాజా చిత్రం ‘దేవకీ నందన వాసుదేవ’ (Devaki Nandana Vasudeva). ఈ సినిమాకు ‘హనుమాన్’ ఫేమ్ డైరెక్టర్ ప్రశాంత్ వర్మ (Prashanth Verma) కథ అందిస్తుండగా.. అర్జున్ జంధ్యాల (Arjun Jandhyala) దర్శకత్వం వహిస్తున్నాడు. ఇందులో అశోక్ గల్లా సరసన మాజీ మిస్ ఇండియా (2020) మానస వారణాసి హీరోయిన్‌గా నటిస్తోంది. ఇప్పటికే చిత్రీకరణ పూర్తి చేసుకున్న ఈ మూవీ నవంబర్ (November) 22న ప్రపంచ వ్యాప్తంగా రిలీజ్ కానుంది. ఇక రిలీజ్ సమయం దగ్గర పడటంతో తాజాగా ఈ మూవీ ట్రైలర్ రిలీజ్ చేశారు. ఈ ఈవెంట్‌లో హీరో అశోక్ గల్లా తన మావయ్య మహేశ్ బాబుపై ఇంట్రెస్టింగ్ కామెంట్స్ చేశాడు.
మీ మూవీ ప్రీ రిలీజ్ ఈవెంట్ (Pre Release Event)కు ప్రిన్స్ మహేశ్ బాబు వస్తారా? అని రిపోర్టర్ (reporter) ప్రశ్నించగా.. అశోక్ గల్లా స్పందిస్తూ.. ‘‘దేవకీ నందన వాసుదేవ’ సినిమా ప్రీ రిలీజ్ ఈవెంట్‌కు మామయ్య రావడం కుదరకపోవచ్చు. ఎందుకంటే ఆయన రాజమౌళి (Rajamouli) దర్శకత్వంలో వస్తున్న సినిమా పనులతో బిజీగా ఉన్నారు. అంతే కాకుండా కొత్త లుక్ రివీల్ కాకుండా.. డైరెక్ట్‌గా ఫస్ట్ లుక్ పోస్టర్‌ (First Look Poster) తో ఫ్యాన్స్ అండ్ ప్రేక్షకులకు సర్‌ప్రైజ్ (surprise) ఇవ్వాలనుకుంటున్నారు. అందుకే ఈవెంట్‌కు రమ్మని నేను ఫోర్స్ చేయాలనుకోవడం లేదు. ప్రత్యక్షంగా కాకపోయినా పరోక్షంగానైనా మా మామయ్య సహకారం నాకెప్పుడూ ఉంటుంది’ అంటూ చెప్పుకొచ్చాడు. అయితే.. అశోక్ గల్లా కామెంట్స్ వైరల్ కావడంతో రాజమౌళి అండ్ మహేశ్ సినిమా స్టార్ట్ చేసేందుకు రంగం సిద్ధం అయిందా అంటూ సంబర పడుతున్నారు ఫ్యాన్స్.
Read More ...
Galla Ashok: సూపర్ స్టార్ మూవీలో చైల్డ్‌ ఆర్టిస్ట్‌గా ‘దేవకీ నందన వాసుదేవ’ హీరో .. ఏ చిత్రమంటే?
