పాకిస్తాన్ రెస్టారెంట్‌లో వేశ్యగా బాలీవుడ్ నటి.. ఇండియన్స్ షాక్
దిశ, సినిమా : బాలీవుడ్ నటి ఆలియా భట్ తన రీసెంట్ ఫిల్మ్ 'గంగూబాయి కతియావాడి'లో వేశ్య పాత్ర పోషించిన సంగతి తెలిసిందే. అయితే తాజాగా ఆమె పాకిస్తాన్, కరాచిలోని ఓ రెస్టారెంట్ ముందు వేశ్య అవతారంలో నిలబడి కస్టమర్లను ఆహ్వానించడం నెటిజన్లను ఆశ్చర్యానికి గురిచేసింది. విషయానికొస్తే.. సంజయ్ లీలా భన్సాలీ తెరకెక్కించిన ఈ మూవీలో.. ఓ వ్యక్తి గంగూబాయిని కామాటిపురలో వేశ్యగా మార్చేయడంతో ఆమె విటులను ఆహ్వానిస్తూ సైగ చేసే సీన్ అట్రాకింగ్‌గా చిత్రీకరించారు.
ఇప్పుడు అదే సన్నివేశాన్ని ఓ పాకిస్తానీ రెస్టారెంట్ తమ బ్రాండ్ మార్కెటింగ్ కోసం వాడుకుంటూ కస్టమర్లను ఆకట్టుకుంటోంది. 'ఆజా నా రాజా.. మీరు దేని కోసం ఎదురు చూస్తున్నారో తెలిసే తెరిచి ఉంచాం. మా స్వింగ్స్ అందరినీ ఆహ్వానిస్తోంది. ఆజావో.. ముఖ్యంగా పురుషులు సోమవారం నాడు 25% తగ్గింపు పొందండి. టేక్ అవేతో పాటు డెలివరీ సౌకర్యం కలదు. టైమ్ 12pm to 1am. మా చిరునామా : షాప్ నం 4, దిల్కుషా గోహర్ రెసిడెన్సీ, మెయిన్ తారిఖ్ రోడ్, కరాచీ' అంటూ పూర్తి వివరాలు ఇవ్వడం విశేషం. కాగా ఈ వీడియోపై నెటిజన్లు ఫన్నీ కామెంట్లు చేస్తున్నారు.
