ఆయూష్ పీజీ వైద్య సీట్లు వెబ్ ఆప్షన్ల ద్వారా భర్తీ : కాళోజి హెల్త్ యూనివర్సిటీ

దిశ, కేయూ క్యాంపస్ : జిల్లాలోని ఆయూష్ పీజీ కన్వీనర్ కోటా సీట్ల భర్తీ వన్ టైం వెబ్ ఆప్షన్లకు కాళోజి నారాయణ రావు హెల్త్ యూనివర్సిటీ నోటిఫికేషన్ విడుదల చేసింది. రాష్ట్రంలోని ఆయుష్‌ పీజీ వైద్య సీట్ల భర్తీకి వెబ్ ఆప్షన్ల ద్వారా పీజీ ఆయుర్వేదం, హోమియో, యునానీ కోర్సుల్లో కన్వీనర్ కోటా సీట్లను భర్తీ చేయనున్నట్లు తెలిపారు. అభ్యర్థులు నమోదు చేసిన వన్ టైం ఆప్షన్ల ద్వారా అన్ని విడతల్లో కౌన్సిలింగ్ లకు సీట్ల కేటాయింపులు జరుపనున్నట్లు తెలిపారు. అర్హులైన అభ్యర్థులు ఆన్‌లైన్‌లో ఈ నెల 8వ తేదీ ఉదయం 9 గంటల నుంచి 9వ తేదీ సాయంత్రం 6 గంటల వరకు వెబ్ ఆప్షన్లు నమోదు చేసుకోవచ్చు. పూర్తి సమాచారం కోసం యూనివర్సిటీ వెబ్‌సైట్‌ను సంప్రదించాలని తెలిపారు.