వ్యక్తిగత డ్రైవర్ కి నివాళులర్పించిన ఎర్రబెల్లి దయాకర్ రావు..

దిశ, హనుమకొండ టౌన్ : గతంలో తన వ్యక్తిగత డ్రైవర్ గా పనిచేసిన రాజు, ఆదివారం ఉదయం రోడ్డు ప్రమాదానికి గురై మృతి చెందారు. కాగా ఎంజీఎం మార్చురీలో ఉన్న ఆయన మృతదేహాన్ని మంత్రి ఎర్రబెల్లి దయాకర్ రావు సందర్శించి నివాళులర్పించారు. మంత్రి సతీమణి ఎర్రబెల్లి ట్రస్టు చైర్ పర్సన్ ఎర్రబెల్లి ఉషా దయాకర్ రావు దంపతులు సంఘటన జరిగిన తీరును తెలుసుకుని విచారం వ్యక్తం చేశారు.

ఈ సందర్భంగా మంత్రి దంపతులు కంటతడి పెట్టారు. రాజుతో తమకున్న అనుబంధాన్ని గుర్తు చేసుకున్నారు. డ్రైవర్ గానే గాక తమ కుటుంబంలో సభ్యుడిగా అతను మెలిగేవాడని ఆవేదన వ్యక్తం చేశారు. అతడి భార్యని, కుటుంబ సభ్యులను ఓదార్చారు. తమ ప్రగాఢ సానుభూతిని సంతాపాన్ని తెలిపారు. రాజు కుటుంబానికి అండగా ఉంటామని హామీ ఇచ్చారు.