టీఎస్ ఆర్టీసీ, నిమ్స్​ ఒప్పందం

దిశ, తెలంగాణ బ్యూరో: ఆర్టీసీ ఉద్యోగులకు ప్రభుత్వం మరో గుడ్ న్యూస్​ చెప్పింది. తార్నాక ఆర్టీసీ ఆసుపత్రిని నిమ్స్ తో అనుసంధానం చేయనున్నారు. తార్నాకలోని సీరియస్​ కేసులకు ఇక నుంచి నిమ్స్ లో అడ్మిషన్లు ఇచ్చి వైద్యం అందించనున్నారు. ఈ మేరకు నిమ్స్​ డైరెక్టర్ బీరప్ప, ఆర్టీసీ ఎండీ సజ్జనార్​ తో ప్రత్యేకంగా భేటీ అయ్యారు. ఈ సందర్భంగా బీరప్ప మాట్లాడుతూ..ఆర్టీసీ ఉద్యోగులకు ఇక నుంచి వైద్యం విషయంలో ఎలాంటి టెన్షన్​అవసరం లేదని, సీరియస్​కేసులను నిమ్స్ లోని స్పెషల్ వార్డులో చికిత్సను అందిస్తామన్నారు. ఏ సమస్యతో వచ్చినా స్పెషల్​ కేర్​ తీసుకుంటామని చెప్పారు. అయితే ఆస్పత్రి చెల్లిపులను వేగంగా మంజూరు చేసేలా చొరవ తీసుకోవాలని నిమ్స్​ డైరెక్టర్ బీరప్ప కోరారు. ఈ కార్యక్రమంలోనిమ్స్ క్రెడిట్ కలెక్షన్ ఇంఛార్జి శ్రీధర్, సురేష్ ఉన్నారు.