TGPSC: అభ్యర్థులకు బిగ్ అలర్ట్.. సీడీపీవో, ఎక్స్‌టెన్షన్ ఆఫీసర్ పరీక్షా తేదీలు విడుదల

దిశ, వెబ్‌డెస్క్: అభ్యర్థులకు టీజీపీఎస్సీ కీలక ప్రకటన చేసింది. గతేడాది నిర్వహించిన ఉమెన్ అండ్ చైల్డ్ ఆఫీసర్ నియామక పరీక్షను పేపర్ లీక్ అవ్వడంతో ఆ పరీక్షలను తెలంగాణ పబ్లిక్ సర్వీస్ కమిషన్ రద్దు చేసింది. మొత్తం 81 పోస్టులను భర్తీ చేసేందుకు కొత్త పరీక్షా తేదీలను టీజీపీఎస్సీ అధికారులు ప్రకటించారు. 2025 జనవరి 3, 4 తేదీల్లో సీడీపీవో పరీక్షను, అదే నెల 6, 7 తేదీల్లో ఎక్స్‌టెన్షన్ ఆఫీసర్ ఖాళీల భర్తీకి పరీక్షను నిర్వహించనుంది. అయితే, కంప్యూటర్ బేస్డ్ విధానంలో పరీక్ష ఉంటుందని అధికారులు వెల్లడించారు. www.tspsc.gov.in వెబ్‌సైట్ నుంచి అభ్యర్థులు తమ హాల్ టికెట్లను డౌన్‌లోడ్ చేసుకోవాలని టీజీపీఎస్సీ కార్యదర్శి నవీన్ నికోలస్ సూచించారు.