Siricilla: సీఎంపై అభిమానంతో కళాకారుడి అద్భుతం.. పుచ్చకాయపై రేవంత్ రెడ్డి చిత్రం

దిశ, డైనమిక్ బ్యూరో: సీఎంపై అభిమానంతో ఓ కళాకారుడు పుచ్చకాయపై రేవంత్ రెడ్డి(CM Revanth Reddy) చిత్రాన్ని రూపొందించాడు. సిరిసిల్ల(Siricilla) జిల్లా గంభీరావుపేటకు చెందిన సంతోష్(Santhosh) అనే కళాకారుడు వస్తువులపై ముఖచిత్రాలు చిత్రీకరించడంలో నిష్ణాతుడు. ఈ కళ ద్వారా ముఖ్యమంత్రి రేవంత్ రెడ్డిపై అభిమానంతో పుచ్చకాయ(Watermelon)పై సీఎం అద్భుతమైన చిత్రాన్ని(Photo) తీర్చిదిద్దాడు. వాటర్ మిలన్ పై రేవంత్ రెడ్డి చిత్రం చూపరులను అబ్బుర పరిచే విధంగా ఉంది. దీనికి తుది మెరుగులు దిద్దుతున్న వీడియో నెట్టింట చక్కర్లు కొడుతోంది. దీనిపై నెటిజన్లు స్పందిస్తూ.. వాటర్ మిలన్ పై చిత్రం అద్భుతంగా ఉందని కామెంట్లు పెడుతున్నారు. రేవంత్ రెడ్డిపై ఉన్న అభిమానంతోనే ఈ చిత్రాన్ని రూపొందించినట్లు కళాకారుడు సంతోష్ చెబుతున్నాడు.