Amanagal: మహా పిరమిడ్ పిలుస్తోంది.. నేటి నుంచి ధ్యాన మహా యాగాలు

దిశ, ఆమనగల్లు: ప్రపంచ ప్రసిద్ధ మహే శ్వర మహా పిరమిడ్ ధ్యాన మహా యాగం-3 వేడుకలకు ముస్తాబైంది. కడ్తాల మండలం అనుమాస్ పల్లి గ్రామ సమీపంలోని కైలాసపురి మహేశ్వర మహా పిరమిడ్‌లో పిరమిడ్ స్పిరిచువల్ మూమెంట్ ఆఫ్ ఇండియా, పిరమిడ్ ట్రస్ట్ ఆధ్వర్యంలో మహా యాగం-3 వేడుకలకు భారీ ఏర్పాట్లు చేశారు. శని వారం సాయంత్రం 5 గంటలకు ప్రా రంభమై 31వరకు పత్రీజీ ధ్యాన మహా యాగం వేడుకలు కొనసాగుతాయి. ప్రతిరోజూ లక్ష మంది ధ్యానులతో ని ర్వహించే వేడుకల్లో పాల్గొనేందుకు తెలంగాణ,ఆంధ్ర ప్రదేశ్ రాష్ట్రాలతో పాటు దేశ విదేశాల నుంచి ధ్యానులు, పిరమిడ్ మాస్టర్లు, ఆధ్యాత్మికవేత్తలు భారీ ఎత్తున రానున్నారు. ఈ నేపథ్యం లో ఎక్కడా ఎలాంటి లోటుపాట్లు లే కుండా నిర్వాహకులు ఏర్పాట్లు చేశా రు. ధ్యానులకు ప్రతిరోజూ లక్ష మంది భోజనం చేసేలా ఏర్పాటు చేశారు. సరస్వతీ ప్రాంగణంలో ఒకేసారి 30 వేల మంది సామూహిక ధ్యానం చేసుకునేలా వేదికను సిద్ధం చేశారు.

ఎత్తయిన పిరమిడ్ నిర్మాణం..

32,400 చదరపు అడుగుల విస్తీర్ణంలో 113.6 మీటర్ల ఎత్తుగా 6 వేలకు పైగా ధ్యానులు ఒకేసారి ధ్యానము చే సేందుకు వీలుగా బండ రాళ్లు, ఇను ముతో నిర్మించారు. పిరమిడ్ నలువైపులా పచ్చని చెట్లతో అందంగా ముస్తా బు చేస్తారు. ఈ నిర్మాణం ఒక అద్భుతమని ఇండియన్ బుక్ ఆఫ్ రికార్డ్ వారు గతంలోనే గుర్తించి రికార్డు అందజేశారు. పిరమిడ్ మధ్యలో కింగ్ చాంబర్ పాటు క్వీన్ ఛాంబర్ ఉన్నాయి. కింగ్ చాంబర్ పై 500 మంది వరకు, క్విన్ చాంబర్‌పై 250 మంది వరకు ధ్యానం చేయవచ్చు. పిరమిడ్ లో ధ్యానం చేస్తే ప్రాణశక్తి మూడు రెట్లు అధికంగా శరీరంలోకి ప్రవేశిస్తుందని ధ్యానుల నమ్మకం. వలంటీర్ల నియామకం ధ్యానులకు సేవలు అందించేందుకు వలంటీర్లను, పిరమిడ్ పరిసరాల్లో వైద్య సేవల కోసం ప్రత్యేక వైద్య శిబిరం, చిన్నపిల్లల కోసం బాలకేంద్రంతోపాటు అఖండ ధ్యాన కేంద్రాలను ఏర్పాటు చేశారు.