ఒలింపిక్ రన్ ని ప్రారంభించిన ఎమ్మెల్యేలు..
దిశ, నిజామాబాద్ సిటీ : ఒలంపిక్ అసోసియేషన్ ఆధ్వర్యంలో నిర్వహించిన ఒలంపిక్ రన్ ని రాజా రాజేంద్ర చౌరస్తాలో అర్బన్ ఎమ్మెల్యే గణేష్ బిగాల, రూరల్ ఎమ్మెల్యే, ఆర్టీసీ చైర్మన్ బాజిరెడ్డి గోవర్ధన్ తో కలిసి ప్రారంభించారు. ఈ సందర్భంగా ఎమ్మెల్యే గణేష్ బిగాల మాట్లాడుతూ ప్రపంచ వ్యాప్తంగా ఒలింపిక్ రన్ కి ఆదరణ పెరుగుతుందని అన్నారు. ఒలింపిక్ స్ఫూర్తిని, ఒలింపిక్ గేమ్స్ పై అవగాహన పెంచే విధంగా ఈ రన్ ఉపయగపడుతుందని అన్నారు.
ఒలంపిక్ రన్ తో ప్రజలు మానసికంగా ఆరోగ్యంగా దృడంగా ఉంటారని, యువత ఒలింపిక్ రన్ లో పాల్గొనాలని కోరుతున్నానన్నారు. రూరల్ ఎమ్మెల్యే ఆర్టీసీ చైర్మన్ బాజిరెడ్డి గోవర్ధన్ మాట్లాడుతూ ఒలంపిక్ తో శారీరక మానసిక వికాసం ఏర్పడుతుందని అన్నారు. యువత, మహిళలు పెద్దఎత్తున పాల్గొనడం అభినందనీయమన్నారు. ఒలంపిక్ రన్ కు గతంలో కంటే ఆదరణ పెరిగిందన్నారు. ఈ కార్యక్రమంలో నగర దండు నీతూ కిరణ్, నూడ చైర్మన్ చామకూర ప్రభాకర్ రెడ్డి, ఒలంపిక్ అసోసియేషన్ అధ్యక్ష కార్యదర్శులు ఈగ సంజీవరెడ్డి, బొబ్బిలి నర్సయ్య, బీఆర్ఎస్ నాయకులు సుజిత్ సింగ్ ఠాకూర్, సత్య ప్రకాష్, సిర్ప రాజు తదితరులు పాల్గొన్నారు.
