హీరో రేంజ్‌లో ఎస్పీ రోహిత్ రాజ్ డ్యాన్స్.. నెటిజన్ల ప్రశంసల వర్షం

దిశ, వెబ్‌డెస్క్: భద్రాద్రి కొత్తగూడెం ఎస్పీ రోహిత్ రాజ్ హీరో రేంజ్‌లో డ్యాన్స్ చేసిన వీడియో ఒకటి సోషల్ మీడియాలో వైరల్‌గా మారింది.ఇటీవల పార్లమెంట్ ఎన్నికలను ఎటువంటి అవాంఛనీయ సంఘటనలు జరగకుండా విజయవంతంగా నిర్వహించారు. దీంతో ఈ ఎన్నికల బందోబస్తులో పాల్గొన్న సిబ్బందితో ఎస్పీ రోహిత్ రాజ్ గెట్ టు గెదర్ పార్టీ ఏర్పాటు చేశారు. పాల్వంచలోని ఓ ఫంక్షన్ హాల్‌లో ఏర్పాటు చేసిన పార్టీలో తమ తోటి పోలీసులతో కలిసి ఎస్పీ రోహిత్ రాజ్ డ్యాన్స్ చేశారు. కాగా ఈ వీడియోలో ఎస్పీ డ్యాన్స్ పై నెటిజన్లు ప్రశంసలు కురిపిస్తున్నారు. ఎస్సీ హోదాలో ఉండి.. తోటి ఉద్యోగులతో కలిసి మెలిసి సరదాగా ఉండటం అభినందనీయమని కామెంట్లు పెడుతున్నారు.