దారుణం..పట్ట పగలే మహిళ గొంతు కోసి పరార్

దిశ,కోదాడ :కోదాడలో గుర్తు తెలియని వ్యక్తి ఓ మహిళ గొంతు కోసిన సంఘటన మంగళవారం కలకలం రేపుతుంది. స్థానికలు తెలిపిన వివరాల ప్రకారం.. మంగళవారం శేషకాని రేణుక వాళ్ళ ఇంట్లో గుర్తుతెలియని వ్యక్తి ఇంట్లో చొరబడ్డాడు. ఇంట్లో ఉన్న రేణుక అనే మహిళని విచక్షణ రహితంగా కోసి పరారయ్యాడు. కాగా రేణుక కేకలు విని చుట్టుపక్కల వారు వచ్చి రక్తపు మడుగులో ఉన్న రేణుకను కోదాడ ప్రభుత్వ వైద్యశాలకు చికిత్స నిమిత్తం తరలించారు.ఆమె పరిస్థితి విషమంగా ఉండడంతో..సూర్యాపేట ఏరియా హాస్పిటల్ తరలించినట్లు స్థానికులు తెలిపారు. దాడికి కారణాలు తెలువ లేదు. కాగా రేణుక భర్త సతీష్ బైక్ మెకానిక్ పని చేస్తున్నట్లు తెలిపారు. ఈ విషయంపై కోదాడ టౌన్ ఎస్సై సైదులు వివరణ అడగ్గా నిందితున్ని అదుపులోకి తీసుకున్నట్లు తెలిపారు. పోలీసులకు ఎటువంటి ఫిర్యాదు అందలేదని తెలిపారు.