రేవంత్ రెడ్డిని కలిసిన ఆస్కార్ విన్నింగ్ మ్యూజిక్ డైరెక్టర్

దిశ, వెబ్‌డెస్క్: ‘ఆర్ఆర్ఆర్’ మూవీలోని ‘నాటు నాటు’ పాటతో ఎంఎం కీరవాణి తెలుగు ఖ్యాతిని ప్రపంచ వ్యాప్తంగా చాటిన విషయం తెలిసిందే. ఈ పాటకు ఆస్కార్ అవార్డు సైతం దక్కింది. కాగా, సీఎం రేవంత్ రెడ్డితో మ్యూజిక్ డైరెక్టర్ ఎంఎం కీరవాణి మంగళవారం భేటీ అయ్యారు. తెలంగాణ రాష్ట్ర గీతం ‘జయజయహే తెలంగాణ’ పాటను కీరవాణితో పాడించే అంశంపై వీరు చర్చించారు. ఈ భేటీలో రచయిత అందెశ్రీ సైతం పాల్గొన్నారు. అయితే 9 డిసెంబర్ 2009 తర్వాత ఈ పాట కోట్లాది మందికి చేరింది. ఈ పాటను రాష్ట్ర గీతంగా ప్రరకటిస్తామని గత ప్రభుత్వం చెప్పినా విస్మరించడంతో ఇటీవల తెలంగాణలో అధికారంలోకి వచ్చిన కాంగ్రెస్ ప్రభుత్వం ఈ పాటను రాష్ట్ర గీతంగా ప్రకటించిన విషయం తెలిసిందే. అయితే కీరవాణితో పాట పాడించాలని చర్చ జరుగుతుండటంతో సాంగ్ ఎలా ఉండబోతుందనేది ఆసక్తిగా మారింది.

Read More..

నేడు తిరుపతికి తెలంగాణ CM రేవంత్ రెడ్డి