మునుగోడు బైపోల్.. రాజగోపాల్ రెడ్డి కీలక ట్వీట్..

దిశ, డైనమిక్ బ్యూరో : మునుగోడు బైపోల్ సమీపిస్తు్న్న వేళ మునుగోడు ప్రజలనుద్ధేశించి సోమవారం కోమటి రెడ్డి రాజగోపాల్ రెడ్డి కీలక ట్వీట్ చేశారు. ఉప ఎన్నిక సమీపిస్తుండగా ఆయన తరపున బీజేపీ ప్రచారాన్ని హోరెత్తిస్తుంది. రేపటితో ప్రచారం ముగియనుండటంతో బీజేపీ పెద్ద ఎత్తున మండలాల వారీగా సభలను నిర్వహించనున్న సంగతి తెలిసిందే. అయితే తాజాగా ఆ పార్టీ అభ్యర్థి కోమటిరెడ్డి రాజగోపాల్ రెడ్డి ట్విట్టర్ వేదికగా మునుగోడు ప్రజలకు కీలక హామీ ఇచ్చారు. ' నిన్ను నమ్ముకున్న ప్రజలను తలదించుకునే పని చేయొద్దు అని మా అమ్మ చెప్పింది. నువ్వు ధర్మం కోసం న్యాయం కోసం పోరాటం చేసే సందర్భంలో కొట్లాడుతుంటే పదిమంది కుక్కలు మొరుగుతున్న పట్టించుకోకు అని మా అమ్మ చెప్పింది. మునుగోడు ప్రాంతాన్ని సస్యశ్యామలం చేసి నెంబర్1 గా తీర్చిదిద్దేవరకు నేను నిద్రపోను అంటూ ' అంటూ ట్వీ్ట్ చేశారు.