వైన్స్ షాప్‌లే టార్గెట్..అదును చూసి ఘరానా చోరీ
దిశ, కుత్బుల్లాపూర్ : అతనికి వైన్స్ షాప్స్ యే అడ్డా. అదును చూసి కంటబడిన బైక్స్, ఆటోలను మాయం చేయడంలో సిద్ధహస్తుడు. సైబరాబాద్ పోలీస్ కమిషనరేట్,రాచకొండ పోలీస్ కమిషనరేట్, సంగారెడ్డి, మెదక్ జిల్లాలలో పదుల కొద్దీ బైక్స్, ఆటోలను దొంగతనం చేస్తూ పోలీసులకు చుక్కలు చూపెట్టిన ఘరానా దొంగను జగద్గిరిగుట్ట పోలీసులు బుధవారం అరెస్ట్ చేసి రిమాండ్ విధించారు. బాలానగర్ ఏసీపీ హన్మంత్ రావు తెలిపిన వివరాలు ప్రకారం మెదక్ జిల్లా శివంపేట్ మండలం, లచ్చిరెడ్డి గూడెంకు చెందిన వరేం ఆనంద రెడ్డి సూరారం సాయికృష్ణా కాలనీలో నివాసం ఉంటూ వాహనాల దొంగగా అవతరించాడు.మద్యం దుఖానాలను టార్గెట్ గా చేసుకుని కాపు కాసే వాడు. వాహదారులు మద్యం మత్తులో ఉండడం చూసుకుని అదునుచూసి బైక్ లను, ఆటోలను మాయం చేయడంలో ఆరితేరాడు.ఈ కోవలోనే సైబరాబాద్ పోలీస్ కమిషనరేట్ పరిధిలోని జగద్గిరిగుట్ట పోలీస్ స్టేషన్ పరిధిలో రెండు బైక్స్, కూకట్పల్లి, కేపీహెచ్బీ, బాచుపల్లి, పేట్ బషీరాబాద్, మేడ్చల్, ఆర్సీపురం పోలీస్ స్టేషన్ లలో ఒక్కొక్క బైక్ చొప్పున చోరీ చేసినట్లు పోలీసులు తెలిపారు.
అదేవిధంగా రాచకొండ పోలీస్ కమిషనరేట్ పరిధిలోని చౌటుప్పల్ పోలీస్ స్టేషన్ పరిధిలో ఒక బైక్, మెదక్ జిల్లా పరిధిలోని శంకరం పేట, తూప్రాన్, గజ్వేల్, ఐడీఏ బొల్లారం పోలీస్ స్టేషన్ లలో ఒక్కో బైక్ లను తస్కరించారు. అదేవిధంగా సంగారెడ్డి జిల్లా పరిధిలో గల సంగారెడ్డి పోలీస్ స్టేషన్ పరిధిలో ఒక బైక్ ను దొంగలించినట్లు ఒప్పుకున్నాడు.దొంగలించిన 22 ద్విచక్ర వాహనాలను,ఒక ఆటోను పోలీస్ లు స్వాధీనం చేసుకుని నిందితుడిని అరెస్ట్ చేసి రిమాండ్ లు తరలించారు.ఘరానా దొంగను చాకచక్యంగా పట్టుకున్న జగద్గిరిగుట్ట క్రైం సిబ్బందిని బాలానగర్ ఏసీపీ అభినందించి నగదు రివార్డు అందించారు.జగద్గిరిగుట్ట సీఐ క్రాంతికుమార్, డిటెక్టీవ్ ఇన్స్పెక్టర్ అంజయ్య, ఎస్ ఐ లు ప్రెస్ మీట్ లో పాల్గొన్నారు.
