విట్టల్ రెడ్డి ఆశయ సాధనకు కృషి చేయాలి

దిశ, నర్సాపూర్: నర్సాపూర్ మాజీ ఎమ్మెల్యే స్వర్గీయ విట్టల్ రెడ్డి ఆశయ సాధనకు ప్రతి ఒక్కరు కృషి చేయాలని నర్సాపూర్ ఎమ్మెల్యే మదన్ రెడ్డి అన్నారు. విట్టల్ రెడ్డి జయంతిని పురస్కరించుకొని గురువారం ఆయన విగ్రహానికి బీఆర్ఎస్, బీజేపీ, సీపీఐ పార్టీ నాయకులతో కలిసి పూల మాల వేసి నివాళులు అర్పించారు. ఈ సందర్భంగా ఎమ్మెల్యే మాట్లాడుతూ.. విట్టల్ రెడ్డి పేద ప్రజల కోసం నిరంతరం పని చేసి ఆరుసార్లు ఎమ్మెల్యేగా గెలుపొందాడన్నారు. ఆయన చనిపోయేంత వరకు కూడా నమ్మిన సిద్ధాంతం కోసం కట్టుబడి ఉన్నాడని తెలిపారు. ఈ కార్యక్రమంలో మాజీ జిల్లా పరిషత్ చైర్ పర్సన్ రాజమణి, జిల్లా కోఆప్షన్ సభ్యుడు మన్సూర్, బీఆర్ ఎస్ సీనియర్ నాయకులు అశోక్ గౌడ్, జగదీష్, శివకుమార్, హబీబ్ ఖాన్, మండల పార్టీ అధ్యక్షుడు శేఖర్, పీఏసీఎస్ చైర్మన్లు రాజు యాదవ్, వెంకట్రాంరెడ్డి, పట్టణ అధ్యక్షుడు బిక్షపతి, సీపీఐ జిల్లా కార్యదర్శి కాలేక్, నాయకులు నందం, కౌన్సిలర్లు రామచందర్, యాదగిరి తదితరులు ఉన్నారు.