నాది పనిచేసే తత్వం తప్ప, విమర్శించే గుణం కాదు : కందాళ

దిశ, తిరుమలాయపాలెం : నన్ను గత ఐదేళ్ళ నుంచి మీరు చూస్తున్నారు, ఎదుటివారికి ఏ ఆపతి వచ్చినా అదుకుంటానే తప్ప, ఎదుటివారిపై ఎలాంటి విమర్శలు చేసే వ్యక్తిని కాదని పాలేరు ఎమ్మెల్యే అభ్యర్థి కందాళ ఉపేందర్ రెడ్డి అన్నారు. సోమవారం మండలంలోని హస్నాబాద్ గ్రామంలో ఎన్నికల ప్రచారం నిర్వహించారు. ఈ సందర్భంగా కందాళ మాట్లాడుతూ

గడిచిన ఈ ఐదు సవంత్సరాలు నియోజకవర్గ ప్రజలకు అందుబాటులో ఉంటూ, ప్రభుత్వ సంక్షేమాలతోపాటు, వ్యక్తిగతంగా ఎన్నో సేవలందించానని పేర్కొన్నారు. తనపై వ్యక్తిగతంగా ఎవరు ఎన్ని విమర్శలు చేసిన అవ్వి పట్టించుకోనని, ప్రజా సంక్షేమమే నాకు ముఖ్యమని అన్నారు. మరో సారి ప్రజలు తనను ఆశీర్వదించి కారు గుర్తుకి ఓటు వేసి ఎమ్మెల్యే గా గెలిపిస్తే, మరిన్ని సేవలను ప్రజలకు అందిస్తానని తెలిపారు.