కేసీఆర్ మూవీ సీడీని ఆవిష్కరించిన బీఆర్ఎస్ అధినేత కేసీఆర్!
దిశ, డైనమిక్ బ్యూరో: కేసీఆర్ (కేశవ చంద్ర రమావత్) మూవీకి సంబందించి తెలంగాణ తేజం అనే పాటను మాజీ సీఎం, బీఆర్ఎస్ అధినేత కేసీఆర్ ఆవిష్కరించారు. జబర్దస్త్ కమీడియన్ గా పేరుపొందిన రాకింగ్ రాకేష్ హీరోగా గరుడవేగ అంజి దర్శకత్వంలో కేసీఆర్ (కేశవ చంద్ర రమావత్) అనే సినిమాను స్వయంగా తనే నిర్మిస్తున్నారు. దీనికి సంబందించి గతంలోనే మూవీ పోస్టర్ ను విడుదల చేసి మంచి బజ్ క్రియేట్ చేసుకున్నారు. అయితే ఇవ్వాళ ఈ చిత్రంలోని పాటలకు సంబందించిన సీడీని బీఆర్ఎస్ అధినేత కేసీఆర్ నందినగర్ లోని ఆయన నివాసంలో ఆవిష్కరించారు.
అంతేగాక ఇందులో తెలంగాణ తేజం అనే పాటను మాజీ సీఎం విడుదల చేశారు. ఈ కార్యక్రమంలో ఉద్యమకారుడు దేశపతి శ్రీనివాస్, రాకింగ్ రాకేష్, జోర్ధార్ సుజాత, రచయిత సంజయ్ మహేష్, సింగర్ విహాతో పాటు ఈ సినిమాకు సంగీతం అందించిన సంగీత దర్శకుడు చరణ్ అర్జున్ హాజరయ్యారు. ఈ సినిమాలోని యాడి యాడి పాట ఇప్పటికే విడుదలై మంచి పేరు తెచ్చుకోగా.. ఇప్పుడు తెలంగాణ తేజం అనే పాటను కేసీఆర్ చేతుల మీదుగా ఆవిష్కరింపజేశారు.
