సివిల్స్ లో అయిలాపూర్ వాసి ప్రతిభ

దిశ, కోరుట్ల రూరల్ : మండల పరిధిలోని అయిలాపూర్ గ్రామానికి చెందిన ఏనుగు శివమారుతి రెడ్డి మంగళవారం విడుదలైన సివిల్స్ ఫలితాల్లో జాతీయ స్థాయిలో 132 ర్యాంకు సాధించి సివిల్ సర్వీసెస్ కోసం ఎంపికయ్యారు. శివ మారుతి తండ్రి ఏనుగు అంజిరెడ్డి మల్లాపూర్ మండలం గుండంపల్లి ప్రభుత్వ ఉన్నత పాఠశాలలో స్కూల్ అసిస్టెంట్ గా పని చేస్తున్నారు. శివ మారుతి రెండవ ప్రయత్నంలోనే ఈ ర్యాంకు సాధించగా, ఆయన ఐపీఎస్ కు ఎంపిక అయ్యే అవకాశం ఉంది. ఎస్.ఎస్.సీ మెట్ పల్లి నిఖిల్ భరత్ పాఠశాలలో చదివిన శివమారుతి హైదరాబాద్ శ్రీ చైతన్య కళాశాలలో ఇంటర్ చదివి స్టేట్ ర్యాంక్ సాధించాడు. అలాగే ఢిల్లీలోని సెయింట్ స్టీఫెన్స్ డిగ్రీ కళాశాలసో బీఏ ఎకనమిక్స్ లో డిగ్రీ చదివి సివిల్స్ లో ప్రత్యేకంగా శిక్షణ తీసుకున్నారు. జాతీయ స్థాయిలో 132 ర్యాంకు సాధించడం గర్వంగా ఉందని తల్లిదండ్రులు అంజిరెడ్డి-పుష్పలత ఆనందం వ్యక్తం చేశారు. కాగా శివ మారుతిని కోరుట్ల ఎమ్మెల్యే విద్యాసాగర్ రావు ప్రత్యేకంగా అభినందించారు.